SALMOS 26:3 - Dios Rimashcata Quillcashcami

³ Can llaquishcataca ñuca yuyaipimi charini. Cambac mana llullashca shimi nishca shinami causani.

SALMOS 26:3 ပူးပေါင်းရင်းမြစ်များ

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SALMOS 119:142

Canca huiñaita cashcata ruhuacmi cangui. Can mandashcacunaca cashcata nicmi.

SALMOS 25:5

Ñucata quishpichic Dioslla, cantami punzhanta shuyani. Cashcata ruhuanata yachachic ñanpi churashpa yachachiyari.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

SALMOS 86:11

Mandac Dioslla, can munashca shina causanata yachachiyari. Cashcata nic ñanpimi causasha. Ñuca shungupipish canta manchana yuyaita churaiyari.

ISAÍAS 2:5

¡Jacobopac huasi ucupuracuna shamuichic! ¡Mandac Diospac luzpi purishunchic!

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

SAN LUCAS 6:36

Chashnallatac Dios ima shinami cancunata llaquin, chai shinallatac shuccunata llaquichic.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

2 JUAN 1:4

Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yallita cushicuni.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.