SALMOS 26:2 - Dios Rimashcata Quillcashcami

² Mandac Dioslla, ñuca ima shina cacta allita ricuilla. Ñuca yuyaitapish, ñuca shungutapish chuyata ruhuailla.

SALMOS 26:2 ပူးပေါင်းရင်းမြစ်များ

JOB 13:23

¿Mashna cutinta mana allita, shinallatac juchata ruhuashcani? Mashna cutin pandarishcata ricuchiyari.

SALMOS 17:3

Canca ñuca shungutaca tucuitami ricushcangui. Tutapish ricungapac shamushcanguimi. Ñuca alli cacta, mana alli cacta taripashpapish, ima mana allitaca mana tarishcanguichu. Ñuca shimihuan cambac contra mana rimangapacmi yuyarircani.

SALMOS 66:10

Dioslla, ñucanchictaca llaquichishpami ima shina cacta ricurcangui. Chuya cullquita ruhuangapac rupachic shinami chuyayachircangui.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

JEREMÍAS 20:12

Tucuita Mandac Dioslla, cashcata ruhuaccunataca ricuracunguimi. Yuyaitapish, shungutapish tucuitami ricungui. Ñucata llaquichiccunataca cambac maquipimi churani. Ñucata llaquichishcamantaca paicunatapish ñuca ricucucpi llaquichiyari.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.