SALMOS 24:3 - Dios Rimashcata Quillcashcami

³ ¿Pitac Mandac Diospaclla urcumanca huichicungayari? Paipaclla pushtupica, ¿pitac causangayari?

SALMOS 24:3 ပူးပေါင်းရင်းမြစ်များ

1 CRÓNICAS 15:1

Davidca paipac pueblopimi paipac huasicunata shayachirca. Shinallatac Diospac Arcata churangapacpish shuc pushtuta acllashpami carpa huasita shayachirca.

SALMOS 15:1

Mandac Dioslla, ¿canhuan tupana huasipica maijancunallatac causagringa? ¿Maijancunallatac cambaclla chicanyachishca urcupica causagringa?

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 65:4

Can acllashpa, cambac cuchuman apamushpa cambac huasi corredorpi causachun churashca runaca cushicuchun. Cambaclla huasipi tiyac sumac allicunata chasquishpami cushicushun.

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

EZEQUIEL 44:5

Chaipimi Mandac Diosca: «Huañunalla runa, ñuca huasipi ima ruhuanamanta ñuca canman huillashcatapish, mandashcacunatapish, allita uyashpa, allita entendingui. Ñucapac huasiman maijanlla yaicuna cashcata, maijanlla mana yaicuna cashcata alli yachacungui.

EZEQUIEL 44:9

Chaimantami Mandac Dios ñucaca: Israelcunapurapi causac shungupipish, aichapipish circuncisionta mana ruhuashca caru llacta gentecunaca manatac ñuca huasimanca yaicungachu nini.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

SAN JUAN 13:36

Simón Pedro Jesusta tapushpaca: —Apunchic Jesús, ¿maimantac rigringui?— nirca. Chashna nicpimi Jesusca: —Ñuca maiman ricushcamanca mana cati pudinguichu, ashtahuanpish quipatami catingui— nirca.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

HEBREOS 12:28

Mana cuyuchipac Dios mandacucta chasquishpaca, Diosta manchashpa, pai munashca shina tucui shunguhuan pagui nichic. Paica chaitami munan.