SALMOS 22:8 - Dios Rimashcata Quillcashcami

⁸ «Chaicunaca Mandac Diospimi shunguta churac carca. Pai cuyashcami cani niccunami carca. Shina cacpica Mandac Diosllatac quishpichichun. Paillatac llaquimanta llucchichun» nincunami.

SALMOS 22:8 ပူးပေါင်းရင်းမြစ်များ

JOB 16:4

Ñuca shina cancuna cacpica, ñucapish cancuna shina imatapish nimanllami. Ñucapish umata cuyuchishpa, cancunata piñachishpa rimaimanllami.

SALMOS 109:25

Ñucaca paicunapac mana ricunayachishca rimashcallami carcani. Ñucata ricushpaca umata cuyuchishpami ricuc carcacuna.

SALMOS 18:19

Paica ñucata cuyashcamantami jatun pambaman llucchishpa quishpichirca.

SALMOS 37:5

Cambac causaitaca Mandac Diospac maquipi churailla. Paipi shunguta churacpica, imata cashpapish ruhuangami.

SALMOS 42:10

Ñucata piñaccunaca punzhantami: «¿Maipitac cambac Diosca?» nishpa tapuncuna. Chashna rimashpami, ñuca tullucunataca ñutuchic shina llaquichincuna.

SALMOS 55:22

Cambac llaquitaca Diosman mingai. Paica ayudangami. Cashcata ruhuactaca jaicapi mana urmachun saquingachu.

SALMOS 71:11

parlanacushpaca: «Diosca paitaca saquishcami. Paitaca pi quishpichic mana tiyanchu. Chaimanta catishpa japichiclla» nincunami.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

PROVERBIOS 16:3

Can imata ruhuanacunataca Mandac Diospac maquipi churai. Chaipimi can imata ruhuagricushcacunaca alli llucshinga.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

SAN MATEO 12:18

«Caipimi ñuca acllashca servicca. Paitami ñucaca cuyani. Paimi ñucata cushichin. Paimanmi Espirituta cusha. Tucui llactacunapi cashcata ruhuashpa mandanamanta huillanga.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

SAN LUCAS 23:35

Gentecunaca Jesusta chaparacurcami. Cutin, mandaccuna burlashpaca: —Shuccunataca quishpichircami. Dios cachashca Cristo cashpaca, paillatac quishpirichun— nircami.