12 Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!
Canmi ñuca huasitapish mandangui. Tucui llactacunapi causaccunami cantaca cazunga. Ñucallami jatun mandac cashcamanta canta yalli casha.
Ñucaca israelcunapurapica Baal diosta mana cunguric, paicunapac shimihuan mana muchaccunataca canchis huaranga runacunatami saquigrini— nirca.
Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.
Ñucata yanga rimaccunataca Mandac Dios llaquichichun. Ñucata mana alli nishpa rimaccunataca chashnallatac llaquichichun.
Chai quipaca nina japiric shina piñarishpa manchachishpaca:
Mandac Dios cushca mandashcataca huillashami. Pai ñucata rimashpaca: «Canca ñuca churimi cangui. Cunanmi canmanca causaita cuni.
Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.
Mandac Dios alli cactaca cancunallatac ricushpa yachaichicyari. ¡Paipi miticuc runaca maimi cushicun!
Mandac Diosta manchaccunaca ima illac mana causancunachu. Paipaclla causaccunaca paita manchaichicyari.
Jatun tucushcacunatapish, ruhuashcalla dioscunahuan llullashpa, pandachiccunatapish mana catishpa, Mandac Diospi shunguta churacca cushicunmi.
¡Tucuita Mandac Dioslla, canpi shunguta churaccunaca maimi cushicunga!
Yachachishpa rimashcata cazuc runami allita japinga. Mandac Diospi shunguta churashpa causac runaca cushicungami.
Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!
Ashtahuanpish Mandac Dios ñucata shuyashpa causacca alli nishcami canga.
Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.
Cancunata llaquichina punzha manarac pactacpi, Mandac Dios piñarishpa llaquichina punzha manarac pactacpi, chingariclla tamo shina manarac tucushpa llaquirichicyari.
Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.
Chaica, maijanpish Taitata alli nic shinallatac Churita alli nichunmi chashnaca churarca. Maijanpish Churita mana alli nicca, ñucata cachac Taitami mana alli nin.
Dios quillcachishcapica: «Maijanpish paita cricca mana pingaichishcachu canga» ninmi.
Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.
Chashna ruhuashpaca, ñucanchicrac punta Apunchic Jesús yuyailla cashpa, Diosta “allimari cangui” nichunmi chashnaca ruhuarca.
Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.
Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.
Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.