SALMOS 2:10 - Dios Rimashcata Quillcashcami

¹⁰ Jatun mandaccunalla, cunanca allita yuyarishpa causaichic. Llactacunata mandaccunapish ñuca cunashcata chasquichicyari.

SALMOS 2:10 ပူးပေါင်းရင်းမြစ်များ

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

ISAÍAS 60:3

Shuctac llactacunapi causaccunapish, jatun mandaccunapish cambac achicyachic luzpimi puringa.

JEREMÍAS 6:8

Jerusalenpi causaccunalla, cancunamanta ñuca ama caruyachunca, mana allita ruhuanata saquishpa, allita ruhuaichicyari. Cai llactapipish mana causana, shitashca pamba shina, ama saquirichunca allita ruhuashpa causaichicyari» nishpami mandan.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

ZACARÍAS 14:17

Cai pacha familiacunamanta maijan Jatun Mandacta, tucuita Mandac Diosta Jerusalenpi mañangapac mana shamucpica, paicunapac llactapi mana tamyangachu.