SALMOS 15:2 - Dios Rimashcata Quillcashcami

² Ima pandata mana ruhuac, imatapish cashcata ruhuac, paipac shungupi mana llullac,

SALMOS 15:2 ပူးပေါင်းရင်းမြစ်များ

SALMOS 24:4

Chuya maquicuna shungupi ima mapa illaccuna, ruhuashcalla dioscunata mana adoraccuna, ari nishcata pactachiccunami chaimanca yaicunga.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

PROVERBIOS 20:7

Mana pandarishpa alli causacca cashcata ruhuac runami. Paipac churicunaca pai shina causashpami cushicun.

PROVERBIOS 28:18

Allita ruhuashpa causac runaca ima llaquimantapish quishpiringami. Ashtahuanpish mana allita ruhuashpa causac runaca llaquipimi urmanga.

ISAÍAS 33:15

Maijanpish cashcata ruhuac, mana llullac, pimanta quichushpa mana chayucyac, allita ruhuangapac imata mana pacalla japic, huañuchina yuyaita mana uyasha nic, ima mana allita mana ricusha nicmi

ISAÍAS 63:8

Paica: «Paicunaca ñuca acllashca, mana llullac ñuca huahuacunami» nishpami, paicunataca quishpichirca.

MIQUEAS 2:7

Jacobopac huahua huahuacunaca: “¿Mandac Diospac Espirituca llaquichinata saquishcachu? ¿Paichu cashna llaquichicun? Pai rimashcacunaca allita ruhuashpa causac runataca, ¿manachu allita ruhuan?” ninguichicmi.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

HECHOS 10:35

Mai llactapipish Diosta manchashpa, cashcata ruhuacpica, Diosca chasquinmi.

ROMANOS 2:10

Ashtahuanpish tucui allita ruhuaccunamanca Diosca mandac canatapish, cushi causaitapish, alli canatapishmi cunga. Chashnami puntaca israelcunaman cushpa, mana israelcunamanpish cunga.

GÁLATAS 2:14

Chaimantami cashcata nic huillashca shina mana ruhuacushcamantaca, tucui tandanacushca criccunapac ñaupapi Pedrotaca: «Canca Israel cashca jahuami, mana Israel shina causacungui. ¿Chashna cashca jahuachu, mana israelcunataca israelcuna shina causachun ningui?» nircani.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

COLOSENSES 3:9

Jucha munashcata ruhuashpa, ñaupa ima shina causacushcata saquishcamantaca, caishuc chaishuc-huan ama llullanacuichicchu.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

1 JUAN 2:29

Jesucristo imatapish cashcata ruhuac cashcataca yachanguichicmi. Chashna yachashpaca, maijanpish cashcata ruhuacca Diospac huahua cashcatami yachanguichic.

1 JUAN 2:6

Maijanpish Dios-huan shucllami cani nishpaca, Jesucristo causashca shinallatacmi causana can.

1 JUAN 3:7

Cuyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatacmi allita ruhuan.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.