SALMOS 148:8 - Dios Rimashcata Quillcashcami

⁸ Rayopish, rasupish, rundupish, puyupish, pai rimashcata pactachic acapana huairapish,

SALMOS 148:8 ပူးပေါင်းရင်းမြစ်များ

GÉNESIS 19:24

Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.

JOB 37:12

Chashna pai mandacpimi puyuca tucui cai pachata rishpa pai mandashcata pactachin.

SALMOS 103:20

¡Imatapish ruhuac angelcuna Mandac Diosta alli nichicyari! Cancunaca pai imata nishcata cazuccunami canguichic.

SALMOS 18:12

Paipac achic nicucmantaca puyupish, rundupish, jagan nicuc nina carbonpish llucshirca.

ÉXODO 10:13

Shina nicpimi, Moisesca Egipto llacta jahuata maquita alzarca. Shina ruhuacpimi, Mandac Diosca inti llucshina ladomanta tucui tuta, tucui punzha huairata cacharca. Cayandi tutamantaca inti llucshina ladomanta shamuc huairaca langostacunatami apamurca.

ÉXODO 10:19

Shinami Mandac Diosca inti yaicuna ladomanta huairata sinchita cachashpa, tucui langostacunata anchuchishpa, Puca Cuchapi shitarca. Shina ruhuacpica, shuc langostallapish Egipto llactapica mana saquirircachu.

ÉXODO 14:21

Moisés maquita cucha jahuata chutacpica, Mandac Diosmi inti llucshina ladomanta sinchi huairata tucui tuta cachashpa, cuchataca ishcaipi chaupirca. Cuchaca ishcaipi chaupishpa, chaquishca allpa shina tucushpa saquirirca.

ISAÍAS 66:16

Mandac Diosca tucui gentecunatami ninahuan, espadahuan llaquichishpa taripanga. Mandac Dios huañuchishcacunaca achcami canga.

JOEL 2:30

Jahua pachapipish, cai pachapipish jatun mancharinacunatami ricuchisha. Huañuipish, llactacuna rupashpa, cushni llucshicucpish tiyangami.

LEVÍTICO 10:2

Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.

AMÓS 4:13

Paica urcucunatapish, huairatapish ruhuac, runacunamanpish, pai imata yuyaricushcata huillacmi. Paimi, tutatapish punzhayachin. Paica cai pachapi tucui urcucunatami purin. ¡Paica, tucuita Mandac Dios shutimi!

AMÓS 7:4

Mandac Diosca caitapish ricuchircami. Mandac Dios ninahuan llaquichishpa, taripangapac tandachicuctami ricurcani. Chai ninami mama cuchatapish, llacta achca allpatapish rupachircani.

JONÁS 1:4

Ashtahuanpish Mandac Dios mama cuchaman sinchi huairata cachashpami, barcota yallita cuyuchirca. Chaimantami barcoca paquirinalla tucurca.

JONÁS 1:5

Chaimantami barcota purichiccunaca yallita mancharishpa, paicunapac diosta caparishpa, mañarca. Shinallatac barco pangalla tucuchunmi, cargacunataca yacupi shitarca. Ashtahuanpish Jonasca chai barco ucuman yaicushpami, yallita sueñucurca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.

APOCALIPSIS 16:21

Jahua pachamantaca shuc quintal shina llashac runducunami tucui gentecunapac jahuapi urmarca. Shina urmashpa yallimana llaquichicpimi, gentecunaca Diosta piñashpa rimarcacuna.