SALMOS 148:7 - Dios Rimashcata Quillcashcami

⁷ Cai pachapi causaccunamanta callarishpa, mama cuchapi tiyac manchana animalcunapish, ucuman tiyac jatun yacucunapish, Mandac Diosta alabaichicyari.

SALMOS 148:7 ပူးပေါင်းရင်းမြစ်များ

GÉNESIS 1:21

Diosca mama cuchapi jatun manchana animalcunatapish, tucui causaiyuc animalcunatapish ruhuarcami. Yacupi causac animalcunapish, volac animalcunapish miranacuchunmi chaipurallata ruhuarca. Diosca chaitaca alli cashcatami ricurca.

1 REYES 13:28

Chai burropi rishpami, Diospaclla runataca ñanpi huañushca siricucta tarirca. Shinallatac burropish, leonpish chai huañushcapac ladollapimi shayacushca carca. Leonca huañuchishpapish mana micushcachu carca. Burrotapish mana imata ruhuashcachu carca.

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.