8 Canllapimi shunguta churani. Chaimanta can yallita cuyac cashcataca tutamanta huillaiyari. Ñuca ima shina causanata yachachiyari. Ñuca almataca canmanmi mingarcani.
Alli yuyaita cuiyari. Can mandashcacunata cazushami. Chaitaca tucui shunguhuanmi pactachisha.
Cambac maquihuanmi ñucata ruhuarcangui. Can mandashcacunata allita yachacungapac ñucata entendichiyari.
Canca ñuca Diosmi cangui. Cambac munaita ruhuanata yachachiyari. Cambac alli Espirituca alli ñanta pushachun.
Canpimi shunguta churani, chaimanta cuidashpa quishpichiyari. Paicuna pingaichichunca ama saquinguichu.
Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.
Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.
Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.
Punzhapica Mandac Diosmi llaquic cashcata ricuchinga. Tutaca ñucami paita alli nisha. Ñucaman causaita cuc Diostaca mañacunillami.
Diosmi chai pueblo chaupipi tiyacun. Chai pueblotaca pi mana cuyuchingachu. Tutamanta achicyanataca Diosmi ayudanga.
Mandac Dioslla, ñucata piñaccuna llaquichigricucpica, cashcata ruhuachishpa pushaiyari. Cambac alli ñanta pushaiyari.
Canca ñuca miticuna jatun pirca shinami cangui. Shinallatac llaqui punzhacunapi ñucata llaquicmi cangui. Tutamanta utca jatarishpami canta alabasha.
Jatun Dioslla, punzhantami canta mañacunilla. Canta servic ñucata cushichiyari.
Tutamantapi ñucanchicta yallita llaquiyari. Punzhantami ñucanchicca cushicushpa cantashun.
Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.
Cancunata quishpichic, israelcunapac jucha illac, Mandac Diosca: «Ñucami cancunata Mandac Dios cani. Ñucami cancunapac allipac yachachini. Cancuna maita rina ñantapish ñucami ricuchishpa pushani.
Jahua pacha Diosta tucui shunguhuan mañashpa:
Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.
Shina nicpimi Manoaca: —Can nishca shina pactacpica, ¿ima shinatac huahuaca causanga? ¿Imatatac ruhuana can?— nishpa tapurca.
Shina nicpi, Davidca cutinllatac tapushpaca: —¿Keila pueblopi causaccunaca ñucatapish, ñuca runacunatapish Saulpac maquipi churangacunachu?— nirca. Shina nicpimi, Mandac Diosca: —Ari, canta japichingacunami— nirca.