SALMOS 143:7 - Dios Rimashcata Quillcashcami

⁷ Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

SALMOS 143:7 ပူးပေါင်းရင်းမြစ်များ

SALMOS 102:2

Ñuca llaqui punzhapi cacpica, cambac ñahuita ama pacanguichu. Cambac ringrihuan uyaiyari. Ñuca mañacuc punzhapica utcashpa cutichiyari.

SALMOS 22:24

Paica ñuca llaquihuan cacpipish, mana cungarircachu. Llaquihuan cashpa ñuca mañacpica, ñahuita mana pacarcachu, ashtahuanpish ayudarcami.

SALMOS 27:9

Cambac ñahuita ama pacaichu. Canta servic ñucahuanca ama piñarichu. Cambac ñahuitaca ñucamanta amatac anchuchichu. Ama ñucata shitashpa saquichu. Canllami ñucata quishpichic Dios cangui.

SALMOS 28:1

Mandac Dioslla, cantami caparishpa mañasha. Canca ñuca jarcarina jatun rumimi cangui. Ama ringrita pacaichu. Can ringrita pacashpa ñuca mañashcata mana uyacpica, huañushcacuna shinami casha.

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

SALMOS 69:17

Cambac servicmantaca cambac ñahuita ama pacaichu. Ñucaca huañugricunimi utca ayudaiyari.

SALMOS 69:18

Ñuca ladoman shamushpa quishpichiyari. Ñucata piñaccunamanta pacaiyari.

SALMOS 69:3

Cunga nanangacaman caparishpami, yallita shaicushcapish cani. Ñuca Diosta shuyacucllapimi ñahuipish amsayan.

SALMOS 70:5

Ñucaca imapish illaclla, huacchami cani. ¡Dioslla, utca ñucapacman shamuiyari! ¡Mandac Dioslla, ñucata ayudashpa quishpichicmi cangui! ¡Mandac Dioslla, ama unayaichu!

SALMOS 71:12

Dioslla, ama ñucamanta caruyaichu. Ñuca Dioslla, ñucata quishpichingapac utca shamuiyari.

SALMOS 84:2

Ñuca almaca Mandac Diospac huasi pungupi canatami yallita munan. Ñuca shungupish, ñuca cuerpopish cushicushpami causac Diosta cantan.

PROVERBIOS 13:12

Ima shuyacushca mana utca pactashpaca shungutami llaquichin. Ashtahuanpish shuyacushca utca pactashpaca causaita cuc yura shinami can.

ISAÍAS 38:18

Seolpi caccunaca cantaca mana pagui nincunachu. Huañushcacunaca cantaca mana alabancunachu. Enterrana jutcuman riccunapish can pactachinataca mana shuyanchu.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 8:17

Mandac Diosca Jacobopac huahua huahuapuramanta ñahuita pacashcami. Ñucaca paitami shuyashpa, yuyarishpa causasha.

SAN LUCAS 21:26

Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.