SALMOS 141:4 - Dios Rimashcata Quillcashcami

⁴ Ñuca shungu mana allicunata yuyarichun ama saquichu. Millaita ruhuaccunahuan tandarishpa millaita ruhuachunpish ama saquichu. Paicunapac jatun mizapi cushicuchunpish ama saquichu.

SALMOS 141:4 ပူးပေါင်းရင်းမြစ်များ

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

SALMOS 119:36

Ñuca shungutaca ima shina causanata can yachachishcata cazuchun ayudaiyari. Charinallata munachunca ama saquinguichu.

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

1 REYES 8:58

Ñucanchic shungupica paillatac cazuna yuyaita ashtahuan churachun. Ñucanchic taitacunaman cushca mandashcacunata, imata ruhuachun mandashcacunata, quillcachishca shimicunatapish cazuna yuyaita cuchun.

SANTIAGO 1:13

Maijantapish mana alli ruhuana munaicuna japicpica, “Diosmi chai munaitaca cun” nishpa, ama yuyachun. Diosca jaicapi mana allitaca mana ruhuanchu. Ima mana allicunata ruhuachunpish millai yuyaitaca mana cunchu.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

APOCALIPSIS 18:4

Cutinllatac jahua pachamanta shuc rimashca uyarishpaca: «¡Ñuca acllashca huahuacunalla! Paicunahuan pacta mana llaquichishca cangapac, paicuna shina mana juchata ruhuangapacca, chai pueblota shitashpa llucshichic.

DEUTERONOMIO 29:4

Chashna cacpipish, Mandac Diosca cunancamanmi chaicunata entendichunca yuyaitapish, ñahuitapish, ringritapish mana cushca.

1 REYES 22:22

Shina nicpi, chai espirituca: ‘Ñuca rishpaca, paipac tucui huillaccunapimi llullashpa huillana yuyaita churasha’ nirca. Shina nicpimi, Mandac Diosca: Canca umanguimi, can nishca shinata ruhuangapac rilla” nirca.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

GÉNESIS 27:14

Chaimantami Jacobo rishpaca, paipac mama Rebecaman chivocunata apamushpa curca. Paipac mamaca Isaac munashca shinami, sumacta yanushpa curca.

1 REYES 13:8

Ashtahuanpish Diospaclla runaca jatun mandactaca: —Cambac charishcamanta chaupita cusha nicucpipish, cambac huasimanca mana rishachu. Cai llactapica micunatapish mana micushachu, yacutapish mana ubiashachu.

SALMOS 28:3

Ama chai millai runacunahuan pacta huañuchichu. Paicunaca shuccunahuan sumacta rimashpapish shungupica millaitami yuyancuna.