SALMOS 140:2 - Dios Rimashcata Quillcashcami

² Paicunapac shungupica llaquichina yuyaillami purincuna. Shinallatac punzhantami piñanacuipi churancuna.

SALMOS 140:2 ပူးပေါင်းရင်းမြစ်များ

SALMOS 120:7

Ñucaca cushilla causaitami munani. Ashtahuanpish ñuca parlai callaricpica, paicunaca huaicashpami llaquichincuna.

SALMOS 21:11

Canta llaquichingapac cambac contra jatarishpapish, urmachingapac yuyarishpapish mana imata ruhuai pudingachu.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

SALMOS 38:12

Ñucata huañuchishun niccunaca ima shina urmachinatami yuyaricuncuna. Ñucata llaquichinata yuyacuccunaca millaitami parlanacuncuna. Ñucata urmachingapacmi tucui punzha yuyarinacuncuna.

SALMOS 56:6

Tandanacushpa miticushpami, ñuca maita ricta chaparancuna. Japishpa huañuchingapacmi maita ricpipish catirancuna.

SALMOS 59:3

Mandac Dioslla, ima pandatapish, ima juchatapish mana ruhuashcanichu. Shina cacpipish, sinchi tucushca runacunami huañuchingapac chaparacuncuna.

SALMOS 62:3

¿Ima horascamantac sapalla runataca tuñic shina, mana cashpaca pircata urmachic shina, tucuchingapac tandanacushpa yuyaricunguichic?

PROVERBIOS 12:20

Millaita yuyarishpa causaccunapac shungupica, llullana yuyaillami tiyan. Ashtahuanpish cushilla causachun cunaccunaca cushicunmi.

OSEAS 7:6

Paicunapac shunguca rupac horno shinami. Paicunaca tuta sueñushpa, cayandi tutamanta horno rupacuc shinami, imata ruhuangapac yuyarishpa pacarin.

NAHÚM 1:11

Canmantami Mandac Diosta piñachishpa, mana alli yuyaita cuc runaca llucshirca.