SALMOS 140:13 - Dios Rimashcata Quillcashcami

¹³ Cashcata ruhuaccunami cantaca pagui ningacuna. Allita ruhuaccunallami cambac ñaupapica causangacuna.

SALMOS 140:13 ပူးပေါင်းရင်းမြစ်များ

JOB 36:6

Paita mana manchacmanca mana causaita cunchu. Ashtahuanpish llaquihuan caccunamanca paicuna japina cashcatami cun.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 16:11

Ñucamanca causaiman apac ñantami ricuchingui. Cambac ñaupapica yallita cushicuimi tiyan. Cambac alli ladopica huiñaitami cushicui tiyan.

SALMOS 23:6

Mandac Dioslla, tucui ñuca causaipimi llaquishpa, cuyashpa charingui. Ñucaca huiñaitami cambac huasipi causasha.

SALMOS 32:11

Cashcata ruhuaccunalla, Mandac Diosmanta cushicuichicyari. Shungupi ima millai yuyaita mana chariccuna cushicushpa cantaichicyari.

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

SALMOS 73:24

Canca cunashpami ñucataca pushangui. Quipataca alli nishpami chasquingui.

SALMOS 97:12

Cashcata ruhuaccuna Mandac Dios-huan cushicuichicyari. Paitaca jucha illac cashcata yuyarishpa alli nichicyari.

PROVERBIOS 22:23

Mandac Diosmi paicunataca misanga. Paicunamanta quichuccunataca paillatacmi causaita quichunga.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

1 TESALONICENSES 4:17

Chai quipaca, ñucanchic causacuccunaca causarishcacunandimi Apunchic Jesus-huan jahua pachapi tupangapac puyupi apashca cashun. Chashnami Apunchic Jesus-huan huiñaita causashun.