SALMOS 135:1 - Dios Rimashcata Quillcashcami

¹ ¡Mandac Diosta alabaichicyari! ¡Mandac Diosta serviccuna, paipac shutita alabaichicyari!

SALMOS 135:1 ပူးပေါင်းရင်းမြစ်များ

1 CRÓNICAS 6:17

Gersonpac churicunaca: Libni, shinallatac Simeimi carca.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

SALMOS 102:21

Shinallatac Mandac Dios tucuita ruhuac cashcata Sión pueblopi huillachun, cutin Jerusalenpica paita jatunyachichunmi chashnaca ruhuarca.

SALMOS 106:1

¡Mandac Diosta alabaichicyari! ¡Mandac Diosca allimari, paita alabaichicyari! Paica huiñaitami llaquicun.

SALMOS 107:15

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 107:8

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 111:1

Mandac Diostaca, allita ruhuaccunahuan cashpa, jatun tandanacuipimi tucui shunguhuan alabasha.

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

SALMOS 134:1

Riqui, Mandac Diostaca alli nichicyari. Tucui paita serviccunapish, paipac huasita tuta cuidaccunapish alli nichicyari.

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

SALMOS 150:6

¡Tucui samaita chariccuna alabaichicyari! ¡Mandac Diosta alabaichicyari!

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.