SALMOS 132:6 - Dios Rimashcata Quillcashcami

⁶ Arcamantaca Efrata pueblopimi uyarcanchic. Achca yuracuna tiyac pambapimi tarircanchic.

SALMOS 132:6 ပူးပေါင်းရင်းမြစ်များ

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

2 SAMUEL 6:3

Diospac Arcata shuc mushuc carretapi churashpami, Abinadabpac huasimanta aparca. Chai huasica loma jahuapimi carca. Chai mushuc carretataca Abinadabpac churicuna Uza, Ahiomi apacurca.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

RUT 1:2

Chai runaca Elimelecmi carca. Paipac huarmica Noemimi carca. Churicunaca Mahlón, Quelionmi carca. Paicunaca Judá llacta Belén pueblomanta efrateopurami carca. Moab llactaman chayashpaca chaipi causangapacmi saquirircacuna.

1 SAMUEL 17:12

Davidca Judá llacta Belén pueblopi causac efrateopuramanta Isaipac churimi carca. Isaica pusac churicunatami charirca. Saúl mandacui punzhacunapica ña yallita yuyacmi carca.

1 SAMUEL 7:1

Quiriat-jearim pueblopi causaccuna shamushpami, Diospac Arcata apashpa shuc lomapi cac Abinadabpac huasipi churarca. Mandac Diospac Arcata cuidashpa causachunca Abinadabpac churi Eliazartami Diospaclla cachun acllarca.