SALMOS 132:12 - Dios Rimashcata Quillcashcami

¹² Paicuna ñucahuan ari nishcatapish, ima shina causanata ñuca yachachishcatapish pactachishpaca, huiñaitami can mandashpa tiyarinapica tiyaringa» nirca.

SALMOS 132:12 ပူးပေါင်းရင်းမြစ်များ

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 8:25

Israelcunata Mandac Dioslla, cunanca canta servic ñuca taita Davidman cushami nishcataca pactachiyari. Canca: “Cambac huahua huahuacuna ñuca ñaupapi can causashca shina causashpa ñucata cazucpica Israel llactata mandangapac tiyarinapi tiyaric runaca mana illangachu” nishcami carcangui.

2 CRÓNICAS 7:18

ñuca cambac taita Davidhuan ari nishca shinallatacmi can mandanataca mana pi cuyuchipacta ruhuasha. Paimanca: “Cambac huahua huahuapuramantaca Israel llactata mandacca mana illangachu” nircanimi.

SALMOS 102:28

Canta serviccunapac huahuacunaca cambac maquipimi mana manchashpa causanga. Paicunapac huahua huahuacunatapish cambac ñaupamantaca pi mana anchuchingachu.

SALMOS 115:14

Mandac Diosmi cancunataca yallita bendicianga. Cancunatapish, cancunapac huahua huahuacunatapish, bendiciangami.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 33:17

Chaimanta Mandac Diosca: Davidpac huahuapuramanta israelcunata mandashpa tiyarinapica jaicapi mana illangachu.

HECHOS 2:30

Davidca Dios ima nishcata huillacmi carca. Chaimantami Diosca paitaca: ‘Cambac huahua huahuacunapuramantami Quishpichic Cristoca shamunga. Pai shamushpaca, can mandashca shinami mandanga’ nishpa ari nirca.