1 Mandac Dioslla, Davidtapish, pai llaquita apashcatapish yuyariyari.
Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.
Llaquihuan cashpa Mandac Diosta mañacpica, paica cutichircami.
Urcucunata huichai ricushpaca: «¿Maimantatac ñucata ayudacca shamunga?» nini.
Ñucaca: «Diospac huasiman jacuchic» niccunahuanmi cushicurcani.
Jahua pachapi causac Dioslla, cantami huichai ricushpa mañani.
Mandac Dios mana ñucanchicmanta shayarishca cacpica, aij ñucanchiclla. Israelcuna cutin nichic:
Mandac Diospi shunguta churaccunaca Sión urcu shinami huiñaita maita mana cuyuchipac causancuna.
Mandac Dios prezucunata Sionman cutichimucpica, muscushca shinami carca.
Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.
Mandac Diosta manchashpa, pai munashca shina causaccunaca tucuimi cushicuncuna.
Huambramanta pachami ñucataca yallita llaquichincuna Cunanca israelcuna:
Mandac Dioslla, tucui shunguhuanmi caparishpa mañani.
Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.
Ñuca mai llaquita apashpa causacushcataca ricuiyari. Ñuca juchacunata tucui perdonailla.
Diosca paicuna llaquilla cashpa, mañashcata uyashpami Abrahamhuan, Isaac-huan, Jacobohuan ari nishcata yuyarirca.
Llaquita apashcatapish, ñucata pi mana ayudashcatapish, jayac ajencota ubiashca shina, llaquita apashcatapish yuyarinimi.
Mandac Dioslla, ñucanchic ima tucushcata yuyariyari. Ñucanchicta burlashpa rimacuctaca ricuiyari.