SALMOS 131:1 - Dios Rimashcata Quillcashcami

¹ Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.

SALMOS 131:1 ပူးပေါင်းရင်းမြစ်များ

2 SAMUEL 6:22

Cunan danzashcamanta ashtahuan danzashpami yangalla tucusha. Shina cacpipish, chashna can nicushca servic huarmicunami ñucataca alli ninga.

JOB 42:3

¿Pitac alli yachachishcacunata mana entendishpa pandachisha nircayari? Ñucaca imata mana entendishpa rimarinillami. Chai rimashcacuna ñucaman sumaimana cacpipish, ñucaca mana entendircanichu.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 122:1

Ñucaca: «Diospac huasiman jacuchic» niccunahuanmi cushicurcani.

SALMOS 124:1

Mandac Dios mana ñucanchicmanta shayarishca cacpica, aij ñucanchiclla. Israelcuna cutin nichic:

SALMOS 133:1

¡Huauquicunapura, panicunapura cuyanacushpa causana mai sumac cashcataca ricuichicyari!

SALMOS 139:6

Cambac yachaica sumaimanami. Canca jatun yachacmi cangui. Cambac yachaitaca mana entendinichu.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

JEREMÍAS 17:16

Ashtahuanpish ñucaca paicunata can llaquichichunca mana munarcanichu. Paicunaman jatun llaqui punzha chayachunpish mana munarcanichu. Chaitaca canllatac yachanguimi. Ñuca imata rimashpapish, cambac ñaupallapitacmi rimarcani.

JEREMÍAS 45:5

¿Canca alli canatachu munangui? Chaitaca ama munaichu. Chaica, jatun llaquihuanmi tucui gentecunata llaquichigrini. Shina cacpipish, canmanca maipi cacpipish, causaita cushami. Chaitaca Mandac Dios ñucami nini” ninmi» nirca.

NÚMEROS 12:3

Moisesca tucui cai pachapi causac runacunamanta yalli humildemi carca.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

HECHOS 20:19

Chaica, mana jatun tucushpami, Apunchic Jesusta servircani. Mana cric israelcuna ñucata llaquichicpipish, llaquita apashpa huacarcanimi.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

ROMANOS 12:16

Cancunapurapica shuc shinalla caichic. Ama jatun tucuichicchu, ashtahuanpish yangalla gentecunahuan tandanacuichic. Cancunapurapica ama yachac tucuichicchu.

DEUTERONOMIO 17:20

Chashna ruhuacpimi, paicunapac huauquicunapurapi mana jatun tucushpa, allimanpish lluquimanpish mana ladoyashpa, mandashcacunallata ruhuanga. Chashnami israelpurapica unaita paipish, huahuacunapish mandacungalla.

1 TESALONICENSES 2:10

Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 16:22

Saúl Isaipacman cachashpaca: «Davidtaca ñucahuan causachun saqui. Paica ñuca ñaupapica allimi ricurishca» nichunmi cacharca.

1 SAMUEL 17:15

Ashtahuanpish Davidca Saulpacman rishpapish paipac taitapac ovejacunata michingapacmi Belenman rin cutin puric carca.

1 SAMUEL 18:23

Saulta serviccunaca cai nishcacunatami Davidman parlagrirca. Chaita parlacpimi Davidca: —¿Jatun mandacpac yerno tucunaca jahuallachu imatacyari? Ñucaca imatapish mana charic, pipacpish mana ricsishca runami cani— nirca.