SALMOS 130:3 - Dios Rimashcata Quillcashcami

³ Mandac Dioslla, ñucanchic juchacuna cambac yuyaipi tiyacucpica, ¿pitac cambac ñaupapi shayari pudingayari?

SALMOS 130:3 ပူးပေါင်းရင်းမြစ်များ

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

JOB 10:14

Ñuca juchata ruhuacpipish, canllatacmi ricungui. Ñuca mana allita ruhuacpipish mana perdonanguichu.

JOB 15:14

¿Runaca mapa illac cangapacca imatacyari? Huarmimanta huacharishca runaca ¿ima shinatac allita ruhuac cashcaca ricuringayari?

JOB 9:20

Ñuca cashcata ruhuacmi cani nicpipish, ñuca shimillatacmi llaquipi churanga. Ñuca: “mana juchayucchu cani” nicucpipish, paica juchanchingallatacmi.

SALMOS 143:2

Cambac ñaupapica cashcata ruhuacmi cani nishpaca pi mana ningachu. Canta servictaca ama taripaichu.

SALMOS 76:7

Canca manchana Diosmi cangui. Can piñaricpica, ¿pitac cambac ñaupapi tiyacui pudingayari?

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

MALAQUÍAS 3:2

Pai shamucpica, ¿pitac ricuri pudingayari? Pai ricuricpica, ¿pitac paipac ñaupapi shayari pudingayari? Paica chuyayachic nina shina, tacshana lejía shinami.

DEUTERONOMIO 9:27

Canta servic Abrahamta, Isaacta, Jacobota yuyariyari. Cai gentecunapac sinchi shungutapish, canta mana cazushpa juchata ruhuashcatapish ama ricuichuyari” nirca.

APOCALIPSIS 6:17

Paicuna yallita piñarishpa llaquichina punzhami shamushca. ¿Chai llaquita apanataca pitac pudingayari?» nircacuna.