SALMOS 13:4 - Dios Rimashcata Quillcashcami

⁴ Ñucata piñacca: «¡Mishanimi!» ningami. Ñucata piñaccunaca ñuca urmacpica cushicungami.

SALMOS 13:4 ပူးပေါင်းရင်းမြစ်များ

ESDRAS 9:8

Ashtahuanpish cunanca ñucanchicta Mandac Dioslla, maijancunallatapish llaquichishpa, llaquimanta llucchishpa, imata mana manchashpa, cambac huasipi allita causachunmi llucchishcangui. Ñucanchic Dioslla, shuccunata servishpa causacucpi, samachingapacmi ñahuita pascac shina, sumac punzhata ñucanchicman ricuchishcangui.

SALMOS 10:11

Paipac shungupica: «Diosca cungarishcami. Paipac ñahuica tapashcami. Jaicapi manatac ricungachu» nishpami yuyan.

SALMOS 112:6

Chaimantami paica manatac urmanga. Cashcata ruhuac runataca huiñaitami yuyaringacuna.

SALMOS 25:2

¡Ñuca Dioslla, canpimi shunguta churani! Ama pingaichichun saquinguichu. Ñucata piñaccuna cushicuchunca ama saquinguichu.

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

SALMOS 35:25

Paicunapac shungupipish: «¡Aij, ñucanchicca chashna cachunmi munarcanchic!» nishpa: «Paitaca tucuchishcanchictacmi» nichunca ama saquichu.

SALMOS 38:16

Ñucaca: «Ama ñucamanta cushicuchuncuna. Ñuca urmacta ricushpa ama jatun tucuchuncuna» nircanimi.

SALMOS 55:22

Cambac llaquitaca Diosman mingai. Paica ayudangami. Cashcata ruhuactaca jaicapi mana urmachun saquingachu.

SALMOS 62:2

Paica ñuca quishpichicmi, ñuca jarcarina jatun rumimi. Chaimantami pipish mana urmachinga.

SALMOS 62:6

Paillami ñuca quishpichicpish, ñuca jarcarina jatun rumipish can. Paimi ñuca miticuna can, pi mana urmachingachu.

SALMOS 9:19

¡Mandac Dioslla shayariyari! ¡Runacuna jatun tucushpa causachunca ama saquichu! Llactacunapi causaccuna ima ruhuashcataca cambac ñaupapi ricuchiyari.

PROVERBIOS 12:3

Pipish Diosta mana manchashpaca mana sinchi cai pudinchu. Ashtahuanpish cashcata ruhuaccunaca alli sapiyashca shina, mana cuyuchipacmi.

JEREMÍAS 1:19

Canhuan macanacushpapish cantaca manatac mishangachu. Canta quishpichingapacca ñucami canhuanca casha. Chaitaca Mandac Dios ñucami nini» nirca.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.