SALMOS 128:3 - Dios Rimashcata Quillcashcami

³ Cambac huarmipish huasi ladopi tiyac cargashca uvas yura shinami canga. Churicunaca olivos yuracuna retoñac shinami miza muyundipi cangacuna.

SALMOS 128:3 ပူးပေါင်းရင်းမြစ်များ

GÉNESIS 49:22

Joseca yacu ladopi huiñashca achca granota yura shinami cangui. Ramacuna pirca jahuata ric shinami cangui.

1 CRÓNICAS 8:40

Ulampac churicunaca flechacunata shitanatapish alli yachac sinchi runacunami carca. Paicunaca churicunatapish, nietocunatapish achcatami charirca. Tucui paicunami Benjaminpac huahua huahuacunapuramanta carca. Paicunaca patsac pichca chungami carca.

SALMOS 127:3

Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.

SALMOS 127:5

Huasi junda chashna churicunata charic runaca cushicunmi. Juezcunapac ñaupapi paita piñaccunahuan rimarinacushpapish mana pingaichishcachu canga.

SALMOS 144:12

Ñucanchic churicunaca cunanlla huiñacuc yuracuna shina huiñachun. Ñucanchic ushicunapish mandana huasi pilarcuna shina sumac ricunalla cachun.

SALMOS 52:8

Ashtahuanpish ñucaca verdinlla olivos yura shinami Diospac huasipica cani. Dios llaquishcamantaca huiñaitami paipi shunguta churashpa causasha.

JEREMÍAS 11:16

Ñucaca: Sumacta pucuc, alaja ricuric olivos yurami cangui nicmi carcani. Shina cacpipish, ninata churashpa, pangacunata culun nichishpa rupachicpica, ramacunaca paquirircami.

EZEQUIEL 19:10

Mama leonca yacu cuchupi tarpushca uvas yura shinami, uvas chagra chaupipica carca. Achca yacu ladopi tarpushca shinami alli granota pucushpa, alli ramacunatapish charirca.

ROMANOS 11:24

Canca paillatac huiñashca sacha olivos yuramanta pitishpa, alli olivos yurapi churashca shinami cangui. Ashtahuanpish israelcunacarin alli olivos yura ramacuna cashcamantaca, quiquin yurallapitacmi Diosca churanga.