SALMOS 127:1 - Dios Rimashcata Quillcashcami

¹ Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 127:1 ပူးပေါင်းရင်းမြစ်များ

1 REYES 5:12

Mandac Diosca Salomonman nishca shinallatacmi alli yuyaita curca. Hiramhuan Salomonhuanca mana piñanacushpa alli causangapacmi ishcaita ari ninacurca.

1 CRÓNICAS 28:10

Riqui, cunanca Mandac Diosca cantaca shuc huasita shayachishpa, paipaclla chicanyachichunmi acllarca. ¡Ama manchashpa, chaitaca ruhuailla!» nirca.

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

1 CRÓNICAS 29:19

Shinallatac ñuca churi Salomón ima pandata ama ruhuachun alli yuyaita cungui. Shina cucpimi can mandashcacunata, ima shina causanata yachachishcacunatapish, quillcashcacunatapish pactachishpa, ña allichishca cambac huasitapish shayachinga» nirca.

SALMOS 120:1

Llaquihuan cashpa Mandac Diosta mañacpica, paica cutichircami.

SALMOS 121:1

Urcucunata huichai ricushpaca: «¿Maimantatac ñucata ayudacca shamunga?» nini.

SALMOS 122:1

Ñucaca: «Diospac huasiman jacuchic» niccunahuanmi cushicurcani.

SALMOS 123:1

Jahua pachapi causac Dioslla, cantami huichai ricushpa mañani.

SALMOS 124:1

Mandac Dios mana ñucanchicmanta shayarishca cacpica, aij ñucanchiclla. Israelcuna cutin nichic:

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

SALMOS 126:1

Mandac Dios prezucunata Sionman cutichimucpica, muscushca shinami carca.

SALMOS 72:1

Dioslla, cashcata ruhuanata jatun mandacman yachachiyari. Paipac churimanpish allita mandanata yachachiyari.

SALMOS 78:69

Chaipimi paipaclla huasitaca jahua cielocaman jatunta shayachirca. Cai pachata huiñaita charichunmi alli sinchi allpapi shayachirca.

PROVERBIOS 16:9

Imata ruhuanataca gentecunami shungupi yuyarin. Shina cacpipish Mandac Diosmi paicuna ruhuana cashcataca pushan.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

CANTARES 3:3

Pueblota cuidaccunahuanmi tuparcani. Paicunataca: «¿Manachu ñuca shungu cuyashcata ricurcanguichic?» nircani.

CANTARES 5:7

Pueblota cuidaccunami ñucahuan tuparca. Paicunami ñucata macashpa chugrichirca. Pircata cuidaccunami jahua churanatapish quichurca.

ISAÍAS 27:3

Chai chagrataca Mandac Dios ñucami cuidashpa, yacutapish punzhanta churasha. Pipish ama yaicushpa dañachunmi punzhapish, tutapish cuidasha.

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

ISAÍAS 62:6

Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

JEREMÍAS 51:12

Mandac Diosca pai nishca shina llaquichinata yuyarishcami. Babilonia llactata llaquichishami nishcataca pactachingatacmi. Chaimanta Babilonia llacta muyundi jatun pircapi banderata shayachichic. Chaimanta ama llucshichun, soldadocunata chapachun churaichic. Chaiman yaicungapac allichirichic.

JEREMÍAS 51:31

Babilonia llactata japishcata huillaccunapish, cartata saquiccunapish catinacuimi Babilonia llactata jatun mandacpacman ringa.

1 CORINTIOS 15:14

Cristo mana causarishca cacpica, ñucanchic huillashcapish, cancuna crishcapish yangami canman.

1 CORINTIOS 3:7

Tarpucpish, parcucpish ima mana canchicchu, ashtahuanpish muyuta huiñachicca Diosllami can.

GÁLATAS 4:11

Ñucaca cancunaman ima yachachishcapish yanga cana cashcatami manchani.

DEUTERONOMIO 8:18

Chaipac randica Mandac Diosta yuyaringuichic. Paimi cunan shina, cancunapac ñaupa taitacunahuan ari nishcata pactachingapac imatapish achcata charichun, fuerzata cancunamanca curca.

JOSUÉ 2:2

Chaita Jericó llactata mandacman maijancuna huillashpaca: —Israelcunapuramanta maijan runacunami cunan tuta cai llactata pacalla ricungapac shamushca— nishpa huillarca.