SALMOS 121:7 - Dios Rimashcata Quillcashcami

⁷ Mandac Diosmi tucui mana allimanta cuidanga. Cambac causaitapish paimi huacaichinga.

SALMOS 121:7 ပူးပေါင်းရင်းမြစ်များ

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

SALMOS 145:20

Mandac Diosca tucui paita cuyaccunataca cuidanmi. Ashtahuanpish paita mana manchaccunataca tucuitami tucuchinga.

SALMOS 34:22

Ashtahuanpish paita serviccunapac almataca Mandac Diosmi quishpichinga. Tucui paipi shunguta churaccunaca mana llaquichishcachu canga.

SALMOS 41:2

Mandac Diosca huacaichingami, causaitapish cungami. Allpa pachapica alli nishcami canga, millai gentecuna paicuna munashcata ruhuachunpish mana saquingachu.

SALMOS 97:10

Mandac Diosta cuyaccunaca millaita ruhuanata piñaichicyari. Paipaclla causaccunapac almata cuidashpami paita mana manchaccunapac maquimanta quishpichin.

PROVERBIOS 12:21

Cashcata ruhuactaca ima llaquipish mana japingachu. Ashtahuanpish Diosta mana manchaccunaca yallita llaquihuanmi cangacuna.

NÚMEROS 6:24

“Mandac Dios bendiciashpa punzhanta cuidachun.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

2 TIMOTEO 4:18

Chashnallatacmi tucui mana allicunamanta anchuchishpa, pai mandacuc jahua pachaman chayangacaman ñucataca huacaichinga. ¡Paitaca tucui mashna huiñai huiñaita “sumaimanami cangui” nishunchic! Chashna cachun.