SALMOS 12:2 - Dios Rimashcata Quillcashcami

² Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

SALMOS 12:2 ပူးပေါင်းရင်းမြစ်များ

1 CRÓNICAS 12:33

Zabulonpac aillumantaca pichca chunga huaranga, tucuilaya macanacunahuan macanacungapac rinalla runacunami carca. Paicunaca shuc shungulla macanacungapacmi carca.

SALMOS 10:7

Paipac shimica mana alli ninallata, llullanata, llaquichinallatacmi riman. Paipac shimipica millaillata rimashpa llaquichic shimicunami pacashca shina tiyacun.

SALMOS 116:11

Yalli llaquihuan musparishpami: «Tucui gentecunami llullaccuna» nircani.

SALMOS 144:11

Shuctac llacta gentecunapac maquimanta quishpichiyari. Paicunaca llullallatami rimancuna. Alli maquita alzashpami llullancuna.

SALMOS 144:8

Paicunaca llullallatami rimancuna. Alli maquita alzashpami llullancuna.

SALMOS 28:3

Ama chai millai runacunahuan pacta huañuchichu. Paicunaca shuccunahuan sumacta rimashpapish shungupica millaitami yuyancuna.

SALMOS 38:12

Ñucata huañuchishun niccunaca ima shina urmachinatami yuyaricuncuna. Ñucata llaquichinata yuyacuccunaca millaitami parlanacuncuna. Ñucata urmachingapacmi tucui punzha yuyarinacuncuna.

SALMOS 41:6

Ñucata ricungapac shamushpaca llullanacuncunami. Paicunapac shungupica paicunallatacmi yalli millaita jundachicun. Canzhaman llucshishpaca ñuca ima shina cashcatami parlancuna.

SALMOS 5:9

Paicunaca llullallatami rimancuna. Paicunapac shunguca millai jundami. Paicunapac cungurica enterrana jutcuta pascashca shinami.

SALMOS 55:21

Paipac rimashca shimicuna mantequilla shina ñutunlla cashpapish, paipac shungupica macanacuna yuyaillami can. Aceitetapish yalli ñutunlla rimaicunata parlashpapish espadata bainamanta llucchishpa charicuc shinami can.

SALMOS 59:12

Paicunapac shimihuan juchallishcamanta, paicunapac shimihuan llaquichishcamanta, paicuna jatun tucushpa rimashcamanta, llaqui tucuchun nishcamanta, llullashpa rimashcamantaca prezushca cachun.

SALMOS 62:4

Jatun tiyarinamanta anchuchinallatami yuyaricunguichic. Llullashpallami cushicunguichic. Shimihuan allimi cangui nicushpapish, shungupica llaqui tucuchunmi munacunguichic.

PROVERBIOS 20:19

Huashalla parlac runaca shungupi tiyacushcatami llucchichin. Imatapish rimac runahuanca pacta tandaringuiman.

PROVERBIOS 20:6

Achcacunami allita ruhuanchic nincuna. Ashtahuanpish mana llullac runataca ¿pitac taringayari?

PROVERBIOS 29:5

Paihuan apanacuc runata alli nic runaca chai runa purina ñanpi tucllata churac shinami.

JEREMÍAS 7:28

Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.

JEREMÍAS 9:8

Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

EZEQUIEL 12:24

Israelcunapurapica yanga muscuipi shina ricuccunapish, llullashpa huillaccunapish jaicapi mana tiyangachu.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

1 TESALONICENSES 2:5

Chaica ñucanchic huillashpaca, mishqui shimicunahuan mana huillashcanchicchu. Mana jatun tucungaraicu, mana cullquita japingaraicu huillashcanchicchu. Chaitaca cancunapish yachanguichicmi, Diospish yachanmi.

SANTIAGO 1:8

Chashna mana shuc yuyailla cac runaca tucui causaipimi mana alli causan.