SALMOS 115:4 - Dios Rimashcata Quillcashcami

⁴ Paicunapac yanga dioscunaca cullquimanta, curimanta gentecunapac maqui ruhuashcami can.

SALMOS 115:4 ပူးပေါင်းရင်းမြစ်များ

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

2 REYES 19:18

Paicunapac dioscunatapish ninapi shitashpami tucuchirca. Chaicunaca mana dioscunachu carca. Ashtahuanpish runacuna caspimanta, rumimanta maquihuan ruhuashcallami carca.

2 CRÓNICAS 32:19

Chai mandaccunaca Jerusalenpi causaccunapac Diostaca shuctac llactapi causaccunapac dioscunata shinami rimarcacuna.

SALMOS 97:7

Rumita labrashpa ruhuashca dioscunata serviccuna, yangalla dioscunahuan cushicuccuna pingaichicyari. ¡Tucui dioscuna paipac ñaupapi cumurichicyari!

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

ISAÍAS 42:17

Ruhuashcalla dioscunata yuyarishpa causaccunaca yallita pingai tucushpami, huashaiman cutinga. Paicunaca yacuyachishpa, imamanpish ricchata ruhuashcataca: «Ñucanchic dioscunami canguichic» nincunami.

ISAÍAS 44:10

Maijanpish imatapish yacuyachishpa imamanpish riccha shuc diosta ruhuashcaca, ¿imapactac valin?

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 44:9

Caspimanta imaman riccha dioscunata ruhuaccunaca yangallami. Paicuna ruhuashca sumac dioscunapish imapac mana valinchu. Chai yanga dioscunata alli niccunaca yuyai illac, imata mana yachaccunami. Chaimantami pingaichishca canga.

DANIEL 3:5

cornetapi, flautapi, tamborpi, arpapi, salteriopi, zampoñapi shuctac tocanacunapi tocashca uyaricpica, jatun mandac Nabucodonosor curimanta ruhuashca runaman ricchapac ladopi cumurishpa, alli ninguichic.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

OSEAS 8:6

Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

HECHOS 19:35

Chaimanta, chai pueblota mandacpac quillcac gentecunata upallachishpaca: «Huauquicuna, cai Efeso pueblopi causaccunami, tucuipac alli nishca Dianata adorana huasitaca ricuna canchic. Chaitaca tucuimi yachancuna. Chai Dianaca Júpiter nishca luceromanta shamushca diosmi.

DEUTERONOMIO 4:28

Chai llactacunapimi gentecuna caspimanta, rumimanta ruhuashca, mana ricuc, mana uyac, mana mutquic, mana micuc yanga dioscunata servinguichic.