SALMOS 109:3 - Dios Rimashcata Quillcashcami

³ Ñucata mana ricunayachishpami ñuca muyundipi shayarishpa rimarca. Shinallatac manapish, paita imata ruhuacpimi ñucahuan macanacurca.

SALMOS 109:3 ပူးပေါင်းရင်းမြစ်များ

2 SAMUEL 15:12

Absalonca Diosman animalta cushpa rupachicushpaca, Davidta cunaccunapuramanta Gilo pueblomanta Ahitofel yuyac runatami cayachun cacharca. Shinami Absalonca jatun mandac-huan piñanacushpa cariyangapac huashalla allichirirca. Absalonta caticcunapish ashtahuan miraricpimi, jatun mandacta llaquichinaca ashtahuan sinchiyarca.

SALMOS 17:11

Ñucanchicta huañuchishpa shitangapacmi muyunacushpa chapacuncuna.

SALMOS 22:12

Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

SALMOS 35:20

Cushi causaimantaca mana parlanacuncunachu. Ashtahuanpish cai llactapi causac alli shungucunatami llaquichingapac llullancuna.

SALMOS 35:7

Manapish ima millaita ruhuacpimi, ñuca urmachun jutcutapish, linchitapish ruhuashpa churarcacuna. Manapish ima millaita ruhuacpimi, ñuca urmachun tucllata ruhuarcacuna.

SALMOS 69:4

Ñucata yanga piñaccunaca ñuca acchatapish yallimi mirashca. Ñucata yanga llaquichiccunaca ashtahuanmi sinchiyashcacuna. ¡Manapish shuhuashca cashpami paimanca cutichishcani!

SALMOS 88:17

Ñucataca punzhantami jatun yacu muyundita shamuc shina charicun. Muyunditami chaupinchishpa churashca.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

1 SAMUEL 26:18

Shinallatac: —¿Ima nishpatac ñucata mandac canta servic ñucataca llaquichingapac catinguiyari? ¿Imatatac ruhuashcaniyari? ¿Ima mana allitatac ñuca maquihuanca ruhuashcaniyari?