SALMOS 103:7 - Dios Rimashcata Quillcashcami

⁷ Pai imata ruhuasha nishcataca Moisesmanmi huillarca. Cutin pai imata ruhuashcacunataca israelcunamanmi huillarca.

SALMOS 103:7 ပူးပေါင်းရင်းမြစ်များ

ÉXODO 33:13

Chashna cambac ñahuipi alli ricurishca cacpica, can imata ruhuasha nicushcataca huillaiyari. Chashna huillacpimi, can ñucahuan cashcataca yachasha. Riqui, cai gentecunaca can acllashcacunami— nirca.

SALMOS 147:19

Paimi Jacobopac huahuacunaman pai rimashcataca huillarca. Israelcunamanca mandashcacunatapish, pactachichun cushca shimicunatapish curcami.

SALMOS 78:11

Ashtahuanpish pai ruhuashcacunatapish, sumaimanacunata ricushcatapish cungarircacunami.

NEHEMÍAS 9:14

Cambaclla chicanyachishca samana punzhatami churarcangui. Mandashca shimicunatapish, pactachinacunatapish, yachachishcacunatapish canta servic Moisestami quillcachircangui.

SALMOS 77:20

Moises-huan Aaronhuanmi can acllashcacunataca manada ovejacunata shina pushamurcangui.

DEUTERONOMIO 34:10

Israel llactapica Moisés shina, Mandac Dios-huan ñahui ñahui parlac Diosmanta huillacca mana pi tiyarcachu.

SALMOS 99:7

Diosca suniclla puyumantami paicunahuanca parlac carca. Paicunaca ima shina causanata yachachishcatapish, quillcashpa mandashcacunatapish cazushpami causarcacuna.

SALMOS 78:5

Diosmi Jacobopac huahuacunamanca ima shina causanata yachachishpa, israelcunamanca mandashcata curca. Chaicunataca ñaupa taitacunamanmi paicunapac huahuacunamanpish, ñucanchicmanpish yachachichun mandarca.

ÉXODO 20:21

Tucui israelcuna carupi cacpimi, Moisesca Dios rimacuc amsa puyuman cuchuyarca.

ÉXODO 19:20

Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.

ÉXODO 19:8

Shina huillacpimi, tucui israelcunaca: —¡Mandac Dios tucui nishcataca pactachishunllami!— nirca. Israelcunapac nishcacunataca Moisesca Mandac Diosmanmi huillarca.

SALMOS 106:22

Paica Cam llactapipish mancharinacunata, Puca Cuchapipish pi mana ricushcatami ruhuarca.

NÚMEROS 12:7

Shina cacpipish, ñucata servic Moises-huanca mana chashnachu parlani. Paica ñuca huasipi allita servicmi.

SALMOS 111:6

Shuctac pueblota quichushpaca, pai imatapish ruhuac sumaimana cashcatami pai acllashcacunamanca ricuchirca.