SALMOS 103:3 - Dios Rimashcata Quillcashcami

³ Paimi tucui can mana allita ruhuashcacunataca perdonan. Tucui nanaicunatapish paimi jambin.

SALMOS 103:3 ပူးပေါင်းရင်းမြစ်များ

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

SALMOS 130:8

Paimi tucui israelcunapac juchacunataca perdonanga.

SALMOS 147:3

Shungu paquirishcacunata allichicmi. Chugricunata jambishpa tapachicmi.

SALMOS 30:2

Mandac Dioslla, ñuca caparishpa canta mañacpica, huañugricucpipish alliyachircanguimi.

SALMOS 41:8

«Mana cuchuyaipac millai ungüimi japishca. Cai ungüi maijanta japicpica, mana jataringachu» nincunami.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

ISAÍAS 53:5

Paica, ñucanchic Diosta mana cazushcamantami chugrichishca carca. Ñucanchic juchacunamantami yallita llaquita aparca. Ñucanchic cushi causachunca paitami llaquichirca. Ñucanchicca paipac chugrimantami jambirishca canchic.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

NÚMEROS 12:13

Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

MARCOS 2:5

Tucui shunguhuan crishcata ricushpami Jesusca: —Huahua, cambac juchacunataca ña perdonanimi— nirca.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

SANTIAGO 5:15

Allichina cashcata crishpa mañacpica, chai ungushcataca Apunchic Jesusca alliyachishpa jatarichingami, shinallatac juchacunatapish perdonangami.