SALMOS 10:4 - Dios Rimashcata Quillcashcami

⁴ Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

SALMOS 10:4 ပူးပေါင်းရင်းမြစ်များ

GÉNESIS 6:5

Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

JOB 22:17

Paicunaca Diostaca: “Ñucanchicmanta anchuri” nicmi carca. Tucuita ruhuac Diosca ñucanchicmantaca, ¿Imatatac ruhuai pudinga? nircami.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 18:27

Yangalla gentecunataca quishpichinguimi. Ashtahuanpish jatun tucushcacunataca cumurichinguimi.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

SALMOS 36:1

Diosta mana manchac runamanca millai yuyaimi paipac shungupi rimacun. Paica Diosta manchanataca mana yuyarinchu.

SALMOS 53:1

Mana entendic runaca: «Diosca mana tiyanchu» nishpami yuyan. Tucuimi millana juchacunata ruhuashpa ismushca shina tucushcacuna. Shucllapish allita ruhuacca mana tiyanchu.

SALMOS 73:11

Millaicunaca: «Diosca, ¿ima shinatac yachangayari? Jahua pachapi causac Diosca, ¿ima shinatac ricungayari?» nincunami.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

PROVERBIOS 30:13

Maijan huahua huahuacunaca jatun tucushpami shuccunataca piña ñahuihuan ricuncuna.

PROVERBIOS 30:9

Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

PROVERBIOS 6:17

Jatun tucushpa puricta, llulla calluta, mana faltayuc runata huañuchishpa yahuarta jichacta,

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 3:9

Paicunapac ñahuillatacmi paicunapac juchataca ricuchicun. Sodoma pueblopi causaccuna shinami, tucuipac ricuipi juchata ruhuancuna. Imatapish mana pinganchu. ¡Aij, paicunapac almalla, imachari tucunga! Paicunallatacmi jatun llaquitaca yallita mirachishca.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

ISAÍAS 65:2

Punzhantami mana cazushpa, quiquin munashca ruhuashpa causac gentecunataca maquita chutashpa cayarcani.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

MARCOS 7:21

Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

HECHOS 8:22

Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

DEUTERONOMIO 8:14

Shungupi jatun tucushpa, Mandac Diosta pacta cungaringuichicman. Paimi Egipto llactapi huatashca shina causacucmanta llucchirca.