SALMOS 10:3 - Dios Rimashcata Quillcashcami

³ Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

SALMOS 10:3 ပူးပေါင်းရင်းမြစ်များ

1 REYES 20:25

Cai macanacuipi huañushca soldadocunata, caballocunata, carretacunata cutin allichi. Chashna allichishpami pugru pambapi israelcunahuan macanacushpa, atishun— nirca. Paicuna nishca alli ricuricpimi, Ben-adadca chai shinallatac ruhuarca.

JOB 31:24

Curipi ñuca shunguta churashca cashpaca, shinallatac alli curita: “Canmi ñuca shuyanaca cangui” nimanmi carcani.

SALMOS 35:21

Ñucata yallita shimita pascashpa rimashpaca: «¡Aja, ñucanchic ñahuihuantacmi ricunchic!» nincuna.

SALMOS 49:18

Pai causacushpa shungupi cushilla cashpapish, pai chayuc cashcamanta tucuipac alli nishca cashpapish

SALMOS 49:6

Ima charishcahuan cushicuccunaca paicuna yallita charishcahuanmi jatun tucuncuna.

SALMOS 5:6

Llullashpa parlaccunatapish, huañuchiccunatapish, umaccunatapish chingachinguimi. Mandac Dioslla, chai gentecunataca millanayachinguimi.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

SALMOS 94:4

Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

ÉXODO 15:9

Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.

PROVERBIOS 28:4

Mandashcamanta caruyac runacunaca Diosta mana manchaccunatami alli nin. Ashtahuanpish mandashcata pactachiccunaca paicunata mana ricunayachishpami piñancuna.

ECLESIASTÉS 7:15

Tucui caicunatami ñuca yanga causai punzhacunapi ricushcani. Cashcata ruhuac runaca, cashcata ruhuac cashpapish huañunllami. Mana allita ruhuac runaca, mana allita ruhuac cashpapish unaitami causan.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

HABACUC 2:9

¡Canca ashtahuan charina yuyaihuanmi shuhuashpa huasipi jundachircangui! ¡Llaquimanta miticungapacmi huasitaca pipish mana chayaipac jahua altopi churangui! ¡Aij, imachari tucungui!

SAN LUCAS 12:15

Chaimantami Jesusca: —Charishcacunaca mana causaita cunchu. Chaimanta ama misa tucushpa, ashtahuan chayucyana yuyailla canguichicchu— nirca.

SAN LUCAS 12:19

Chashna huacaichishpaca ñuca shungutaca: ‘Tauca huatapacmi charisha. Cunanca cushicushpa, micushpa, ubiashpa samarishami’ nishami” nicurca.

ROMANOS 1:29

Chaimantami millaita ruhuana yuyailla cancuna. Mapacunallata ruhuancuna, envidiancuna, huañuchincuna, piñanacuncuna, llullancuna, huashalla rimanacuncuna, tucui imapish millaita ruhuancuna.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

EFESIOS 5:5

Maijanpish huainayashpa, ima mapatapish ruhuashpa, shinallatac ruhuashcalla diosta alli nic shinallatac imatapish ashtahuan charina yuyailla causaccunaca, Jesucristopish, Diospish mandacucpica imata mana charingacunachu. Chaitaca yachanami canguichic.

DEUTERONOMIO 29:19

Shina tiyashpaca, cai ari nishcata uyashpapish jatun tucushpa shungupi: “Ñucaca munashcata ruhuashpapish allimi causasha” ninguiman. Chashna yuyacpica, canmantami tucui llaqui tucunga.

DEUTERONOMIO 32:19

Chaita Mandac Dios ricushpami, churicunatapish, ushicunatapish piñarca.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

SANTIAGO 4:13

«Cunan cashpa, caya cashpa, cai llactaman, chai llactaman jacuchic, chaipica shuc huatacaman randishpa, catushpa cullquita mirachishun» niccunaca, caita uyaichic:

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.

1 JUAN 2:15

Cai pachatapish, cai pachapi ima tiyashcacunatapish ama cuyaichicchu. Maijanpish cai pachapaclla caccunata cuyacca, Diostaca mana cuyanchu.

JUECES 17:2

Chai runami paipac mamataca: —Canca chai huaranga shuc patsac siclos cullquita shuhuachishpaca ñucapac ñaupapimi maldiciashpa rimarcangui. Chai cullquitaca ñucami shuhuashpa charicuni— nirca. Shina nicpimi, paipac mamaca: —¡Ñuca huahualla, Mandac Dios bendiciachun!— nirca.

1 SAMUEL 23:21

Shina nicpimi Saulca: —Cancuna ñucata llaquishpa, huillangapac shamushcamantaca Mandac Diosllatac bendiciachun.