SALMOS 1:6 - Dios Rimashcata Quillcashcami

⁶ Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

SALMOS 1:6 ပူးပေါင်းရင်းမြစ်များ

JOB 23:10

Ashtahuanpish paica, ñuca maita puricpipish tucuimi ricun. Pai ñucata ima shina cashcata ricushpa llaquichicpica, curi shinami ricurisha.

SALMOS 112:10

Diosta mana manchac runa chaita ricushpaca yallitami piñaringa. Paipac shungupi nanarishpami quirucuna caniringa. Diosta mana manchaccunapac yuyaica chingaringami.

SALMOS 142:3

Llaquihuan ñuca shungu paquiricpica, canmi ñuca ñanta yachangui. Ñuca purina ñanpimi linchita churarcacuna.

SALMOS 142:4

Ñuca alli ladota chapai ñucata ayudacca pi mana tiyanchu. Ñucata pacacpish, ñuca causaita cuidacpish pi mana tiyanchu.

SALMOS 146:9

Mandac Diosca, pozashpalla causaccunata cuidacmi. Taita mama illac huahuacunamanpish, viudacunamanpish caracmi. Shina cashpapish paita mana manchaccunamanta causaita quichunmi.

SALMOS 9:6

Ñucata piñaccunaca huiñaitami chingarishca. Pueblocunatapish tucuitami urmachircangui. Chai pueblocunapica yuyaringapacllapish imata mana saquircanguichu.

PROVERBIOS 14:12

Runamanca alli ñan shinami ricurin. Shina cashpapish, huañuiman pushac ñanmi.

PROVERBIOS 15:9

Mana manchac runapac causaica Mandac Diosmanca millanayaimi Ashtahuanpish cashcata ruhuashpa causactaca cuyanmi.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

SAN MATEO 7:13

Quichqui punguta yaicuichic. Chaica chingarinaman apac ñanpish, pungupish purinalla anchomi. Taucacunami chaitaca yaicun.

SAN JUAN 10:14

Ñucami alli michicca cani. Ima shinami ñuca Taita ñucata ricsin, shinallatacmi Taitataca ricsini. Chashnallatacmi ñuca ovejacunapish ñucata ricsin. Ñuca ovejacunamantaca huañuna cacpipish huañushallami.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

2 PEDRO 2:12

Chai pandata yachachiccunaca imatapish mana entendishpami mana allichu nishpa rimancuna. Chashna cashpami ima shinapish causashpa, japishpa huañuchina animalcuna shina causashpa huañungacuna.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.