SALMOS 1:3 - Dios Rimashcata Quillcashcami

³ Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

SALMOS 1:3 ပူးပေါင်းရင်းမြစ်များ

GÉNESIS 39:23

José imata ruhuacucpipish, Mandac Diosca paihuanmi carca. Joseca imata ruhuashpapish Mandac Dios paihuan cashcamantami allita ruhuarca. Chaimantami prezucunataca ricunallatapish mana ricuc carca.

GÉNESIS 39:3

Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

1 CRÓNICAS 22:11

Cunanca ñuca huahualla, Mandac Dios canhuan cachun. Imata can ruhuacpipish, allimi llucshinga. Shinallatac canta Mandac Diospac huasitaca Dios canta ima shina mandashca shinallatac shayachingui.

1 CRÓNICAS 22:13

Mandac Dios israelcunaman cuchun Moisesman cushca mandashcacunata, yachachishca shimicunata can pactachicpica, imata ruhuacpipish allimi llucshingui. Cari, cari sinchi cangui. ¡Ama manchaichu, ama llaquirichu!

2 CRÓNICAS 31:21

Diospac huasipi imapi servinata callaringapac yuyarishcataca mandashca shimipi nicushca shinallatacmi ruhuarca. Paipac Mandac Diosta manchashpa, tucui shunguhuan imatapish ruhuashcamantami tucuipi alli llucshirca.

2 CRÓNICAS 32:23

Achca gentecunami Mandac Diosman cungapac ofrendata Jerusalenman apamuccuna carca. Shinallatac Judá llactata jatun mandac Ezequiasmanpish sumac convidanacunatami apamurcacuna. Chai quipaca Ezequiasca tucui shuctac llactacunapi causaccunapac ñaupapimi yallita jatunyachishca carca.

JOB 14:9

yacu chayacpica cutin verdiyashpa, mushuc yura shinami ramacuna junda tucunga.

JOB 22:28

Can imata munashcapish pactangami. Can purina ñanpipish luzmi achicyachinga.

SALMOS 128:2

Quiquin maquihuan trabajashcata micushpaca cushicunguimi. Alli causaitapish charinguimi.

SALMOS 129:8

Ñanta pasaccunaca: «Mandac Diosca cancunata bendiciashca cachun. ¡Ñucanchicca Mandac Diospac shutipimi bendicianchic!» mana ningacunachu.

SALMOS 92:14

Yuyac cashpapish alli granota pucuc yura shinami canga. Paicunaca verdinlla yuracuna shinami sinchi canga.

SALMOS 92:15

Chaica: «Ñucanchicta huacaichic Diosca cashcata ruhuacmi, jucha illacmi» nishpa huillangapacmi chashna canga.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

ISAÍAS 44:4

Paicunaca parcushca quihua shina, yacu patapi sauce huiñac shinami huiñanga.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

JEREMÍAS 17:8

Paica yacu ladopi huiñashca, callpacuc yacu ladoman sapiyashca yura shinami canga. Usyai huatacunapipish, mana anguyashpami, punzhanta pucucungalla.

EZEQUIEL 17:8

Chai uvas huiñashpa, pangasapa tucushpa, alli granota pucuchunmi, achca yacu tiyac alli allpapi tapurca” ninmi ningui.

EZEQUIEL 19:10

Mama leonca yacu cuchupi tarpushca uvas yura shinami, uvas chagra chaupipica carca. Achca yacu ladopi tarpushca shinami alli granota pucushpa, alli ramacunatapish charirca.

EZEQUIEL 31:5

Paica achca yacuhuan cashcamantami tucui yuracunata atishpa, yalli jatun tucurca.

EZEQUIEL 47:12

Cutin cai ishcai yacucuna patapica caishuc ladomanpish, chaishuc ladomanpish chican granocunata pucuc yuracunami huiñanga. Pangacunapish mana urmangachu, micunapish chai yuracunapica mana tucuringachu. Ashtahuanpish cada quillami mushuc granota pucunga. Chai yacucunaca Diospaclla huasimantami llucshicunga. Chaimantami chai yuracunapi granoca pucuna punzhacunallapitac pucunga. Granoca micungapac, pangacunaca jambiringapacmi alli canga.

NÚMEROS 24:6

Jatun yacu tendirishpa ricuc shina, yacu lado huerta shinami ricurin. Mandac Dios tarpushca áloes yura shina, yacu lado cedro yura shinami cangui.

SAN MATEO 13:6

Chashna cacpipish, chai yuraca mana ucuman sapita charishcamantami, inti rupachicpica chaquirca.

SAN MATEO 21:19

Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

SAN MATEO 21:34

Uvas pallana punzha chayacpica, chai allpayuc runaca serviccunatami pai japina cashcata chaupichun cacharca.

SAN MATEO 21:41

Shina nicpimi paicunaca: —Mana llaquishpami, chai runacunataca huañuchinga. Chashna huañuchishpami, chagrayucca chagrata chaupina punzha chayamucpi, chaupishpa cuclla shuctac runacunaman cunga— nirca.

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

DEUTERONOMIO 28:8

Mandac Diosca cancunapac grano huacaichinatapish bendiciangami. Tucui cancunapac trabajashcami pai cushca llactapica bendiciashca canga.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.