RUT 3:14 - Dios Rimashcata Quillcashcami

¹⁴ Shina nicpimi, Rutca pacaringacaman paipac chaquinicllapi sueñurca. Boozca: «Trillana pambaman shuc huarmi shamushcata pipish ama yachachun» nishcami carca. Chaimantami cayandi tutamantaca pipish ama ricsichun manarac alli achicyacpi rirca.

RUT 3:14 ပူးပေါင်းရင်းမြစ်များ

ECLESIASTÉS 7:1

Mishquilla ashnacuc jambita yallica, tucuipac alli nishca canami alli. Huañuna punzhami, huacharina punzhata yalli ashtahuan alli.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

ROMANOS 14:16

Pacta cancunaman allita causacushpaca, shuccunaman mana allita ruhuacunguichicman.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

2 CORINTIOS 8:21

Shina ruhuashpaca, mana Apunchic Jesuspac ñaupallapi alli ricuringapac, ashtahuanpish gentecunapac ñaupapipish alli ricuringapacmi chashna ruhuacunchic.

1 TESALONICENSES 5:22

Tucui mana allimanta huacaichirichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

RUT 3:15

Shinallatac Boozca: —Jahualla can churana pañota ricuchishpa alli charingui— nirca. Chai pañota Rut ricuchicpica, sucta taza cebadatami churarca. Chaita apashpami pai causana puebloman cutirca.