ROMANOS 9:8 - Dios Rimashcata Quillcashcami

⁸ Shina cacpica, mana tucui Abrahampac huahua huahuacuna cashcamantachu Dios acllashca cancuna, ashtahuanpish Dios cusha nishcamanta tiyashca huahuacunami Dios acllashca cancuna.

Nuevo Testamento en Quichua Cañar 1996

⁸ Shina cacpica, mana tucui Abrahampac huahua huahuacuna Dios acllashca cashcata, ashtahuanpish Taita Dios cusha nishcamanta tiyashca huahuacunallatac Dios acllashca cashcatami yachanchic.

ROMANOS 9:8 ပူးပေါင်းရင်းမြစ်များ

GÉNESIS 31:15

Ñucanchictaca pi mai cashca shinatami charin. ¡Ashtahuancarin can ñucanchicmanta trabajashcatapish paillami tucui japirca!

SALMOS 22:30

Quipa huahua huahuacunapish Mandac Diostami servingacuna. Mandac Dios ruhuashcataca quipa huahuacunamanpish huillangacunami.

SALMOS 87:6

Mandac Dios, gentecunapac shuticunata quillcashpaca: «Caipish chaipimi huacharishca» ningami.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

SAN JUAN 1:13

Mana runacunapac munaimanta, mana cai pachapi huacharishcamantachu Diospac huahuacuna tucun, ashtahuanpish Diospac munaimantami paipac huahuacuna tucun.

ROMANOS 8:14

Tucui Diospac Espíritu munashca shina causaccunami Diospac huahuacuna can.

ROMANOS 8:16

Diospac Espiritullatacmi ñucanchic espirituman Diospac huahua cashcata huillan.

ROMANOS 8:19

Tucui Dios ruhuashcacunami, maijancunalla Diospac huahuacuna cashcata ricuna yuyailla shuyacun.

DEUTERONOMIO 14:1

Cancunaca Mandac Diospac huahuacunami canguichic. Chaimanta maijan huañucpica, mana chugririnachu canguichic. Acchatapish mana pitirinachu canguichic.

HEBREOS 11:11

Crishcamantami Abrahamca paipac huarmi Sara mana huahuata chari pudic, yuyac cacpipish, huahuata charirca. Dios imatapish pactachic cashcata crishcamantami, Abrahamman shuc cari huahuata Diosca curca.