ROMANOS 9:1 - Dios Rimashcata Quillcashcami

¹ Apunchic Jesusta cric cashcamantami, mana llullashpa cashcatatac nicuni. Ñuca yuyaitaca Diospac Espiritumi pushacun. Paimi ñuca mana llullacushcataca ricuchin.

Nuevo Testamento en Quichua Cañar 1996

¹ Apunchic Jesusta cric cashcamantami, imatapish mana llullashpa cashcatatac nicuni. Shinallatac ñuca yuyaipish Diospac Espíritu pushashca cashcamantaca, caicunaca alli cashcatami yachani.

ROMANOS 9:1 ပူးပေါင်းရင်းမြစ်များ

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

ROMANOS 2:15

Paicunaca, paicunapac ruhuashcahuanmi, shungupi mandashcacuna quillcashca shina cashcata ricuchin. Paicunapac yuyaipimi ima alli cashcata, mana alli cashcata yachashpa, mana alli cacpica, mana allichu nin.

ROMANOS 8:16

Diospac Espiritullatacmi ñucanchic espirituman Diospac huahua cashcata huillan.

ROMANOS 9:2

Ñuca shungupica yallita llaquirishpami punzhanta nanaihuan cani.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

2 CORINTIOS 11:10

Cristomanta cashcata nic shimicunataca ñucaca ricsinimi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcanga nini.

2 CORINTIOS 11:31

Huiñaita “allimari cangui” nina, Apunchic Jesuspac Diosllami, ñuca cashcatatac nicuctaca yachan.

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Diospac ñaupapi, shinallatac Jesucristopac acllashcacuna cashcamantami chashnaca ninchic. Cuyashca criccuna, imatapish ruhuashpaca, tandanacushca criccuna sinchiyashpa catichunmi chashnaca ruhuanchic.

GÁLATAS 1:20

Dios ricucucpimi, mana llullashpa caicunataca quillcani.

FILIPENSES 1:8

Jesucristo cuyac shinallatac, ñuca tucui shunguhuan cancunata cuyacushcataca Diosllatacmi yachan.

1 TESALONICENSES 2:5

Chaica ñucanchic huillashpaca, mishqui shimicunahuan mana huillashcanchicchu. Mana jatun tucungaraicu, mana cullquita japingaraicu huillashcanchicchu. Chaitaca cancunapish yachanguichicmi, Diospish yachanmi.

1 TIMOTEO 1:5

Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

1 TIMOTEO 2:7

Tucui caicunata mana israelcunaman crinamanta cashcata nic alli huillaita huillashpa yachachichunmi, Jesusca ñucata acllarca. Ñucaca mana llullashpami, chashnatac cashcata nini.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.