ROMANOS 8:11 - Dios Rimashcata Quillcashcami

¹¹ Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

Nuevo Testamento en Quichua Cañar 1996

¹¹ Jesusta causachic Diospac Espiritullatac cancunapi causacucpica, Diosllatacmi cancunapac huañunalla cuerpotaca cancunapi causac paipac Espiritumanta causachinga.

ROMANOS 8:11 ပူးပေါင်းရင်းမြစ်များ

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

EZEQUIEL 37:14

Ñuca cancunapi causaita cuc samaita churashpa, causachishpami, cancunapac llactallapitac samachisha. Shina ruhuacpimi, Mandac Dios ñuca nishcata pactachic cashcata yachanguichic» nirca.

SAN JUAN 14:17

Paica cashcata nic Espiritumi. Paitaca cai pacha runacunaca mana ricunchu, mana ricsinchu. Chaimantami mana chasqui pudin. Shina cacpipish, cancunaca ricsinguichicmi.

SAN JUAN 5:21

Ima shinami ñuca Taitaca huañushcacunata causachishpa, causaita cun, chashnallatacmi paipac Churi ñucapish maijanman causaita cusha nishpaca cuni.

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

ROMANOS 16:10

Cristota sinchita catic Apelestapish saludanguichic. Aristobulotapish, paipac familiacunatapish saludanguichic.

ROMANOS 16:3

Ñucahuan pacta Apunchic Jesusta servic Priscila huarmitapish, paipac cusa Aquilatapish saludanguichic.

ROMANOS 16:7

Ñuca llacta Andronicotapish, Junias huarmitapish saludanguichic. Paicunami ñucahuan carcelpi carcacuna. Paicunaca Apostolcunapurapi alli nishcacunami, ñucapac ñaupa criccunami.

ROMANOS 16:9

Jesucristota servinata ayudac Urbanotapish, ñucahuan yalli apanacuc Estaquistapish saludanguichic.

ROMANOS 6:12

Chaimanta cancunapac huañunalla cuerpopi juchata ruhuana munai tiyachunpish, jucha mandashpa millaita ruhuachichunpish ama saquinguichicchu.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

ROMANOS 8:12

Shinaca cuyashca criccuna, mana jucha munashca shina causanachu canchic.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

ROMANOS 8:9

Cancunapica Diospac Espiritumi causacun. Chaimantami jucha munashca shina, mana causacunguichic, ashtahuanpish Diospac Espíritu yuyaita cushca shina causacunguichic. Cristopac Espirituta mana charicca, mana Cristopacchu.

1 CORINTIOS 15:16

Huañushcacuna mana causarina cacpica, Cristopish manachari causarirca.

1 CORINTIOS 6:14

Apunchic Jesusta causachic Diosllatacmi paipac poderhuan ñucanchictapish causachinga.

2 CORINTIOS 4:11

Jesús causacushca ñucanchic huañunalla cuerpopi ricurichunmi, paita caticushcamanta cai causaipica huañuchishunmi nishca purinchic.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachishpa, cancunahuan pacta paipac ñaupaman ñucanchicta pushanga. Chaitaca yachanchicmi.

2 CORINTIOS 5:4

Cai carpa huasi shina cuerpohuan causacushpaca, llaquihuanmi causacunchic. Lluchulla shinaca mana cashun ninchicchu, ashtahuanpish churanata churaric shinami, cai huañunalla cuerpotaca mushuc causaihuan chingachinata munanchic.

GÁLATAS 6:8

Maijanpish millai munaita ruhuacca, chai millaita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

EFESIOS 2:5

Chashna cuyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Dios cuyashcallamantami, cancunaca quishpirishca canguichic.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 11:11

Ashtahuanpish quimsa punzha chaupi tucucpica, causaita cuc espirituta Dios cachacpimi, paicunaca causarishpa jatarirca. Chaita ricuccunaca yallitami mancharirca.