ROMANOS 8:1 - Dios Rimashcata Quillcashcami

¹ Cunanca Jesucristohuan shuc shinalla caccunamanca, ña mana jatun llaquica tiyangachu.

Nuevo Testamento en Quichua Cañar 1996

¹ Chashna cashcamanta cunanca maijanpish Jesucristohuan shuc shinalla caccunamanca, ña mana jatun llaquica tiyangachu.

ROMANOS 8:1 ပူးပေါင်းရင်းမြစ်များ

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

EZEQUIEL 18:9

Ñuca mandashcacunatapish quillcachishcacunatapish tucuita pactachishpami causan. Paica cashcata ruhuac cashcamantami mana huañunga. Chaitaca Mandac Dios ñucami nini.

SAN JUAN 14:20

Chai punzhami ñucaca Taitahuan shuclla cashcata, cancunaca ñucahuan, ñucaca cancunahuan shuclla cashcata yachanguichic.

SAN JUAN 15:4

Ñucahuan shuc shina caichic, ñucapish cancunahuan shuc shinami casha. Ramaca yurapi mana cashpaca, mana pucui pudinchu. Chashnallatacmi cancunapish ñucahuan mana cashpaca, imata mana ruhuai pudinguichic.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

ROMANOS 16:3

Ñucahuan pacta Apunchic Jesusta servic Priscila huarmitapish, paipac cusa Aquilatapish saludanguichic.

ROMANOS 16:7

Ñuca llacta Andronicotapish, Junias huarmitapish saludanguichic. Paicunami ñucahuan carcelpi carcacuna. Paicunaca Apostolcunapurapi alli nishcacunami, ñucapac ñaupa criccunami.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

ROMANOS 5:16

Dios cuyashpa cushcaca, mana shuc runa juchallishca shinachu carca. Chaica, Adán juchallishcamantami, Diosca taripashpa llaquichinaca yaicurca. Shina cacpipish, Dios cuyashpa, cushca Jesucristoca tauca juchayuccunatami Diospacman cutichishca.

ROMANOS 7:17

Shinaca, mana ñucachu juchata ruhuacuni, ashtahuanpish ñucapi tiyac juchami ruhuachicun.

ROMANOS 7:20

Ñuca mana ruhuasha nicushcata ruhuashpaca, mana ñucachu ruhuani, ashtahuanpish ñucapi tiyac juchami ruhuachicun.

ROMANOS 8:11

Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

ROMANOS 8:14

Tucui Diospac Espíritu munashca shina causaccunami Diospac huahuacuna can.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

ROMANOS 8:34

¿Pitac paicunataca juchanchinga? Jesucristomi ña huañurca. Paimi huañushcacunapuramanta causarishpa, Diospac alli maquiman rishpa ñucanchicmanta mañacun.

ROMANOS 8:39

Shinallatac jahua pachapish, ucu pachapish, tucui ima tiyaccunapish Apunchic Jesucristomanta ñucanchicta Dios cuyashcamantaca mana anchuchingachu. Chaitaca allimi yachani.

ROMANOS 8:4

Chaica, cashcata nic mandashcacunata pactachichunmi, chashnaca ruhuarca. Ñucanchicca mana jucha munashca shinachu causacunchic, ashtahuanpish Diospac Espíritu yuyaita cushca shinami causacunchic.

ROMANOS 8:9

Cancunapica Diospac Espiritumi causacun. Chaimantami jucha munashca shina, mana causacunguichic, ashtahuanpish Diospac Espíritu yuyaita cushca shina causacunguichic. Cristopac Espirituta mana charicca, mana Cristopacchu.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

1 CORINTIOS 15:22

Ima shinami Adanpac juchamantaca tucui gentecuna huañuna can, chashnallatacmi Cristota crishcamantaca tucui gentecuna causaita charinga.

2 CORINTIOS 12:2

Cristota cric shuc ricsishca runatami quimsaniqui jahua pachaman apashca carca. Chaica ñami chunga chuscu huata tucun. Chaitaca cuerpondichari, mana cashpaca almallachari apashca carca, chaitaca mana yachanichu, Diosllami yachan.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

GÁLATAS 3:26

Tucui cancunami Cristo Jesusta crishcamantaca, Diospac huahuacuna canguichic.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

GÁLATAS 5:16

Chaimantami cancunataca: “Diospac Espíritu munashca shina causaichic, millai munaicunataca ama ruhuaichicchu” nini.

GÁLATAS 5:25

Diospac Espiritumanta causacushpaca, Diospac Espiritullatac yuyaita cushpa pushachun saquishunchic.

EFESIOS 1:1

Ñucaca Dios munashcamanta Jesús acllashca apóstol Pablomi cani. Efeso pueblopi Cristo Jesusta crishpa Diospaclla caccunamanmi,

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.