ROMANOS 7:3 - Dios Rimashcata Quillcashcami

³ Chaimanta shuc huarmi cusa causacucpirac shuctac carihuan chayarinacushpaca huainayanmi. Ashtahuanpish cusa huañucpica, mandashcapi nishca shinami mana cusapac can. Shuctac carihuan cazarashpapish mana huainayanchu.

Nuevo Testamento en Quichua Cañar 1996

³ Chaimanta shuc huarmi cusa causacucpirac shuctac c'arihuan chayarinacushpaca, huacllirinmi. Ashtahuanpish cusa huañucpica, mandashcapi nishca shinaca mana cusapacchu can. Shina cashpaca, shuctac c'arihuan cazarashpapish, mana huacllirinchu.

ROMANOS 7:3 ပူးပေါင်းရင်းမြစ်များ

ÉXODO 20:14

Ama huainayangui.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

SAN MATEO 5:32

Ashtahuanpish ñucaca cashnami nini: Maijan caripish paipac huarmi manapish shuc-huan cacta yachashpa raquiricpica, chai huarmica paimantami shuc-huan huainayanacushpa juchallin. Shinallatac maijanpish chai raquirishca huarmihuan cazarashpaca, juchallinmi.

ROMANOS 7:2

Cazarashca huarmica cusa causacucllapimi mandashcapi nishca shina, cusapac can. Ña cusa huañucpica, mandashcapi nishca shinami, mana cusapac saquirin.

ROMANOS 7:4

Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.

RUT 2:13

Shina nicpimi Rutca: —Ñucata mandaclla, ñucaca, canta servic huarmicunapuramanta maijan huarmi shinapish mana canichu. Chashna cacpipish, sumacta rimashpami ñuca shungupi cushichishcangui. Chashnami ñucaca cambac ñahuipi alli ricurishcani— nirca.