ROMANOS 7:24 - Dios Rimashcata Quillcashcami

²⁴ ¡Aij, ñucalla! Ñuca cuerpopi tiyac munai huañuiman apacucmantaca, ¿pitac cacharichinga?

Nuevo Testamento en Quichua Cañar 1996

²⁴ ¡Aij, ñucalla! Ñucapi tiyac huañunaman apac juchamantaca, ¿pitac anchuchingayari?

ROMANOS 7:24 ပူးပေါင်းရင်းမြစ်များ

1 REYES 8:38

Shina tiyacpica maijan shuclla cashpa, mana cashpaca can acllashca tucui israelcuna cashpa, paicuna llaqui tucushcata, mana cashpaca imapish ungüi japishcata yachashpami, cai huasiman maquita chutashpa canta mañangacuna.

SALMOS 102:20

Chaica prezucuna huacashpa mañashcata uyangapac, huañuchingapac charicushcacunata cacharichingapac chashnaca ricurca.

SALMOS 119:131

Shimita pascashpa samaita aisac shinami, can mandashcacunataca tucui munaihuan yachacuni.

SALMOS 119:143

Llaqui huacaicuna japicpipish, can mandashcacunahuanmi cushicurcani.

SALMOS 119:176

Ñucaca chingarishca oveja shinami purircani. Ñuca can mandashcacunata mana cungarishcamantaca, canta servic ñucata mashcaiyari.

SALMOS 119:20

Ñuca almaca can mandashcacunata yachanata munashpami punzhanta mai llaquiricun.

SALMOS 38:2

Chaica cambac flechacunaca ñucapimi urmarca. Cambac maquipish ñuca jahuapimi ñiticun.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

SALMOS 71:11

parlanacushpaca: «Diosca paitaca saquishcami. Paitaca pi quishpichic mana tiyanchu. Chaimanta catishpa japichiclla» nincunami.

SALMOS 72:12

Paita mañac imata mana chariccunatapish llaquimanta llucchingami. Pi ayudacta mana charic huacchacunatapish ayudangami.

SALMOS 88:5

Ñucaca huañushcacunahuan tandachishpa chicanyachishcami cani. Espadahuan huañuchishpa enterrashca shinami cani. Cambac maquimanta anchurishca cashcamantami, cambacca ña cungarishca cancuna.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

SAN MATEO 5:4

Shungupi llaquilla caccuna, ¡cushicuichic! Diosmi cancunataca cushichinga.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

ROMANOS 6:6

Ñaupa causacushca Cristohuan pacta chacatarishca cashcataca yachanchicmi. Chaica, juchata ruhuana munai ama atichunmi, chai juchacunataca chingachishpa, Cristohuan chacatarishca shina canchic.

ROMANOS 8:13

Chashna causacushpaca huañunguichicmi. Ashtahuanpish Diospac Espíritu munashca shina causashpaca, jucha munaita chingachishpa causanguichicmi.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

COLOSENSES 2:11

Cancunaca Cristohuan shuclla tucushcamantaca, mana gentecunalla circuncisionta ruhuashca shinachu canguichic, ashtahuanpish cai pacha jucha munashcata mana ruhuangapacmi, Cristota crishcamanta circuncisionta ruhuashca shina canguichic.

2 TIMOTEO 4:18

Chashnallatacmi tucui mana allicunamanta anchuchishpa, pai mandacuc jahua pachaman chayangacaman ñucataca huacaichinga. ¡Paitaca tucui mashna huiñai huiñaita “sumaimanami cangui” nishunchic! Chashna cachun.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 2:15

Chashna huañushpami, tucui causaipi huañuita manchashpa, huatashca shina causacuccunata quishpichirca.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.