ROMANOS 7:18 - Dios Rimashcata Quillcashcami

¹⁸ Ñucaca juchayuc runa cashcamantaca, ñucapi ima alli ruhuana yuyai mana tiyashcatami yachani. Ima allita ruhuasha nishpapish, mana ruhuai pudinichu.

Nuevo Testamento en Quichua Cañar 1996

¹⁸ Cai pacha juchayuc runa cashcamantaca, ñucapi ima alli ruhuana yuyai mana tiyashcatami yachani. Ima allita ruhuasha nishpapish, mana ruhuai pudinichu.

ROMANOS 7:18 ပူးပေါင်းရင်းမြစ်များ

GÉNESIS 6:5

Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

JOB 14:4

¿Pitac mana allita ruhuashcataca pichai pudingayari? Chaitaca pi mana ruhuai pudinchu.

JOB 25:4

¿Ima shinatac runaca Diospac ñaupapica, cashcata ruhuac tucunga? ¿Ima shinatac huarmimanta huacharishca runaca mapa illac tucunga?

SALMOS 119:173

Can mandashcacunata cazungapacmi acllarcani. Chaimanta cambac maquihuan ayudac shamuiyari.

SALMOS 119:176

Ñucaca chingarishca oveja shinami purircani. Ñuca can mandashcacunata mana cungarishcamantaca, canta servic ñucata mashcaiyari.

SALMOS 119:32

Can ñuca shungupi cushicuita cushcamantami can mandashcacunataca utca pactachisha.

SALMOS 119:40

Riqui, ñucaca can mandashcacunata yachanatami munani. Canca imatapish cashcata ruhuashcahuan causaita cuiyari.

SALMOS 119:5

¡Mandashcacunata pactachingapac ñuca causai alli cashpachari alli caiman!

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

SAN LUCAS 11:13

Cancuna mana alli cashpapish, huahuacunamanca allitami cunguichic. Ashtahuanpish jahua pacha Dioscarin, jucha illac Espiritutami mañacpica cunga— nirca.

SAN JUAN 3:6

Aichamanta huacharicca, aichami can. Ashtahuanpish Espiritumanta huacharicca, Espiritumi can.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 7:15

Ñucaca, ñuca munashcataca mana ruhuanichu, ashtahuanpish mana munashcataracmi ruhuani. Chaimantami ñuca ruhuashcacunataca mana entendini.

ROMANOS 7:19

Allita ruhuasha nicushcataca mana ruhuanichu, ashtahuanpish mana ruhuasha nicushcataracmi ruhuani.

ROMANOS 7:25

Diosllami Apunchic Jesucristomanta chai huañuimanta cacharichinga. Chaimantami paitaca pagui nini. Ñuca yuyaihuanca Dios mandashcacunatami pactachinata munani. Cutin ñuca cuerpopi tiyac munaihuanca, jucha mandashcatami ruhuacuni.

ROMANOS 7:5

Ñucanchic shungupi juchata ruhuana munai yaicucpica, mandashcacunami millaita ruhuachishpa, huañuiman aparca.

GÁLATAS 5:17

Millai munaicunaca Diospac Espiritupac munaitaca piñanmi. Diospac Espiritupish millai munaicunataca piñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

GÁLATAS 5:24

Maijanpish Cristohuan caccunaca cai pacha jucha munaicunandi, imapish mana alli yuyaicunandimi chacatashca shina causacun.

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

FILIPENSES 3:12

Ñucaca: «Cai tucui nishcata ña pactachishpa, allimi cani» ninatapish, shinallatac: «Ima pandatapish ña mana ruhuanichu» ninatapish, mana ni pudinichu. Ashtahuanpish Jesucristo acllashcamantaca, japina cashcata japingacaman ricunillami.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.