ROMANOS 7:14 - Dios Rimashcata Quillcashcami

¹⁴ Mandashcacunaca Diosmanta cashcatami yachanchic. Shina cashpapish, ñucaca aichayuc runallami cani. Chaimantami juchapi huatashca shina cani.

Nuevo Testamento en Quichua Cañar 1996

¹⁴ Mandashcacunaca Diosmanta cashcatami yachanchic. Shina cashpapish, ñuca cai pachapi causacushcamantaca, juchata ruhuangapacca huatashca shinami cani.

ROMANOS 7:14 ပူးပေါင်းရင်းမြစ်များ

GÉNESIS 37:27

Paica ñucanchic huauqui, quiquin yahuarllatacmi. Chaimanta ima millaita mana ruhuashpa, ismaelitacunaman catushpa cachashunchic— nirca. Shina nicpica, caishuc huauquicunaca allimi nishpami,

GÉNESIS 37:36

Madianitacunaca Josetaca Egiptopimi soldadocunata mandac Faraonta servic Potifarman caturca.

GÉNESIS 40:15

Ñucataca hebreocunapac llactamantami shuhuashpa pushamurca. Ñuca carcelpi cangapacca, ima millaita mana ruhuashcanichu— nirca.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

2 REYES 17:17

Paicunapac churicunatapish, ushicunatapish chai diosman cushpami ninapi rupachircacuna. Adivinocunapish, brujocunapish tucurcacunami. Mandac Diospac ñaupapica mana allita ruhuashpa causashpami, yallita paitaca piñachirca.

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

SALMOS 119:25

Ñucaca huañunallami allpapi siricuni. Cambac shimihuan rimashca shina causaita cuiyari.

SALMOS 51:6

Canca imatapish cashcata nictami cuyangui. Pacallami ñuca shungupi allita yachachishcangui.

ÉXODO 22:3

Ashtahuanpish punzha shuhuacucta japishpa, huañuchishpaca, juchanchishcami canga. Shuc shuhuacca chai shuhuashca mashna valishcatami cutichina can. Cullquita mana charishpaca, shuhuashcamanta cutichingapacca paillatacmi caturina can.

PROVERBIOS 30:2

Ñucaca tucui runacunamanta yalli mana entendicmi cani. Runacunapac alli yuyaitaca mana charinichu.

PROVERBIOS 30:5

Mandac Dios rimashca shimicunaca jucha illacmi. Diosca paipi shunguta churaccunapac jarcarina escudomi.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 52:3

Mandac Diosca: «Cancunaca mana cullquimantachu catushca causarcanguichic. Chaimantami ñucapish ima cullquita mana cushpa, cancunataca quishpichigrini» ninmi.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

LEVÍTICO 13:12

Ashtahuanpish chai ungushca runa umamanta chaquicaman caracharishca cacpica, curapish ricui pudingami.

LEVÍTICO 13:16

Ashtahuanpish llullu aicha yuracyashca ricuricpica, chai ungushca runataca curapacmanmi apana can.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 18:25

Pai cutichingapac cullquita mana charicpimi, chai mandacca huarmitapish, huahuacunatapish, tucui charishcacunatapish catuchun mandarca.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

SAN MATEO 5:28

Ashtahuanpish ñucaca: Maijanpish shuc huarmita munashpaca, paipac shungupica ña huainayanmi.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

SAN LUCAS 7:6

Jesús paicunahuan rishpa, ña huasiman chayagricucpica, chai soldadocunata mandacca paipac ricsishca runacunatami Jesusta tupachun cacharca. Paicunataca: —Apunchic Jesús, mana piñachisha ninichu. ¿Ñuca ima cacpitac, ñuca huasimanca shamugringuiyari?

ROMANOS 3:9

Chashna cacpica, ¿ñucanchic israelcunaca mana israelcunata atishpa allichu canchic? ¡Mana chashnachu! Ña nishca shina, israelcunapish, mana israelcunapish tucui mashna juchapi huatashca shinami canchic.

ROMANOS 6:6

Ñaupa causacushca Cristohuan pacta chacatarishca cashcataca yachanchicmi. Chaica, juchata ruhuana munai ama atichunmi, chai juchacunataca chingachishpa, Cristohuan chacatarishca shina canchic.

ROMANOS 7:18

Ñucaca juchayuc runa cashcamantaca, ñucapi ima alli ruhuana yuyai mana tiyashcatami yachani. Ima allita ruhuasha nishpapish, mana ruhuai pudinichu.

GÁLATAS 4:3

Chai shinami ñucanchicpish huahuacuna shina cashpaca, cai pachapi imapish ruhuanacunallata cazushpa, huatashca shina causacurcanchic.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.