ROMANOS 7:13 - Dios Rimashcata Quillcashcami

¹³ ¿Chai shina, alli cashca jahuachu huañuiman aparca? ¡Mana chashnachu! Chai mandashcacunaca alli cashpami, juchata ruhuana mana alli cashcata ricuchirca. Chai mandashcacunami ñucataca huañuchirca. Chai mandashcacunami juchaca yalli mana alli cashcata ricuchin.

Nuevo Testamento en Quichua Cañar 1996

¹³ Mandashcacuna shina alli cashpaca, ¿huañuiman apangachu? ¡Chaica mana chashnachu! Chai mandashcacunaca “juchata ruhuana manatac alli” nishpa ricuchicpipish, juchaca mandashcacunallahuantacmi ñucataca huañushca shinata ruhuarca. Chai mandashcacunallatac ñucata huañushca shinata ruhuashpami, juchaca yallita mana alli cashcataca ricuchin.

ROMANOS 7:13 ပူးပေါင်းရင်းမြစ်များ

SAN MATEO 28:8

Chaimantami huarmicunaca manchaihuan cashpapish cushilla jutcumanta llucshishpa, yachacuccunaman huillangapac callparca.

SAN LUCAS 20:16

Pai shamushpaca, partedariocunata huañuchishpami, chagrata quichushpa, shuccunaman cunga» nirca. Chashna nicta uyashpaca, gentecunaca: —¡Amatapish caica tucuchun!— nirca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

GÁLATAS 3:21

Shina cacpica, ¿mandashcacunaca Dios cusha nishcata chingachingapacchu canga? ¡Mana chashnachu yuyana canchic! Moisés mandashcacunata pactachishpa causanalla cacpica, maijanpish chai mandashcacunata pactachishpaca, Dios-huan alli tucunmanllami.