ROMANOS 7:11 - Dios Rimashcata Quillcashcami

¹¹ Juchaca mandashcacuna tiyashcamantami ñucata pandachirca. Chai mandashcacunamantami huañurcani.

Nuevo Testamento en Quichua Cañar 1996

¹¹ Mandashcacuna tiyashcamantami juchaca ñuca yuyaipi yaicushpa, mana allita ruhuachishpa pandachirca. Juchaca chai mandashcacunahuanmi, ñucataca huañushca shinata ruhuarca.

ROMANOS 7:11 ပူးပေါင်းရင်းမြစ်များ

GÉNESIS 3:13

Shina nicpimi, Mandac Diosca huarmitaca: —¿Imatatac ruhuarcangui?— nirca. Chaimantami huarmica: —Culebramari umarca, chaimantami micurcani— nirca.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 49:16

Jatun quingrai jutcucunapi, jatun urcu lomacunapi causaccunalla, cancunapac shungupi jatun tucushpa cariyashcamantami cancunallatac umai tucushcanguichic. Aguilacuna jatun quingraipi cuzhata ruhuashca shina causacucpipish chaimantami uricuchisha. Chaitaca Mandac Dios ñucami nini» ninmi.

ABDÍAS 1:3

Cambac shungupi jatun tucuna yuyaillami cantaca pandachirca. Canca jatun urcu chaupipimi cangui. Chaipi causashpami cambac shungupica: “¿Pitac caimantaca pambaman urmachingayari?” yuyangui.

ROMANOS 3:20

Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

ROMANOS 7:13

¿Chai shina, alli cashca jahuachu huañuiman aparca? ¡Mana chashnachu! Chai mandashcacunaca alli cashpami, juchata ruhuana mana alli cashcata ricuchirca. Chai mandashcacunami ñucataca huañuchirca. Chai mandashcacunami juchaca yalli mana alli cashcata ricuchin.

ROMANOS 7:8

Juchaca mandashcacuna tiyashcamantami ñuca yuyaipi yaicushpa, mana allicunata ruhuachi callarirca. Mandashcacuna mana tiyacpica, juchaca huañushca shinami canman.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

HEBREOS 3:13

Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

SANTIAGO 1:22

Dios rimashcacunataca ama uyaccunalla caichicchu, pactachiccunatac caichic. Chashna uyaccunalla cashpaca, cancunallatacmi pandaringuichic.

SANTIAGO 1:26

Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.