ROMANOS 6:5 - Dios Rimashcata Quillcashcami

⁵ Cristohuan huañungapacmi shuc shinalla tucurcanchic, chai shinallatacmi Dios causachicpica, paihuan shuc shinalla cashun.

Nuevo Testamento en Quichua Cañar 1996

⁵ Ima shinami Cristohuan huañungapac shuc shinalla tucurcanchic, chai shinallatacmi Taita Dios causachicpica, Cristo causarishca shina causarishun.

ROMANOS 6:5 ပူးပေါင်းရင်းမြစ်များ

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.

ISAÍAS 5:2

Chai allpamanta quihuatapish, rumicunatapish anchuchishpami, allita uvasta acllashpa tarpurca. Chai chagra chaupipica jatun torretapish, uvasta cutanatapish ruhuarcami. Chai allpapi alli uvasta pucuchina yuyaihuan cacpica, sacha uvasmi pucurca.

JEREMÍAS 2:21

Ñucaca cantaca alli acllashca uvas muyuta shinami tarpurcani. ¿Ima nishpatac sacha uvas shina tucurcangui?

SAN MATEO 15:13

Chashna nicpimi Jesusca: —Jahua pacha ñuca Taita mana tarpushca yuraca, ima yura cashpapish sapindi pitishcami canga.

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

2 CORINTIOS 4:10

Ñucanchic maiman rishpapish, Jesús shinallatacmi huañuchinalla purinchic. Mana huañushpaca, Jesús causacuc cashcatami ricuchinchic.

COLOSENSES 2:12

Cancuna ña bautizarishca cashcamantaca, Cristohuan enterrashca shinami canguichic. Shinallatac Cristota causachic imatapish ruhuaclla Diosta crishcamantaca, huañushcacunapuramanta Cristohuan pacta causachishca shinami canguichic.

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Diospac alli maqui ladoman tiyacun.