ROMANOS 6:4 - Dios Rimashcata Quillcashcami

⁴ Diosca, paipac poderhuanmi Cristota huañushcacunapuramanta causachirca, chai shinallatacmi ñucanchicpish mushuc causaita causangapac bautizarircanchic. Shinallatac Cristo huañushca shina huañungapac, pai enterrarishca shina enterraringapacmi bautizarircanchic.

Nuevo Testamento en Quichua Cañar 1996

⁴ Taita Dios ima shinami paipac sumaimana imatapish ruhuaclla cashcahuan Cristota huañushcacunapuramanta causachirca, chai shinallatac ñucanchicpish mushuc causaita causangapac bautizarishpaca, Cristo huañushca shina huañungapac, shinallatac pai enterrarishca shina enterraringapac bautizarircanchic.

ROMANOS 6:4 ပူးပေါင်းရင်းမြစ်များ

SAN JUAN 11:40

Shina nicpimi Jesusca: —¿Manachu ñucaca: “Crishpaca, Dios imatapish ruhuaclla cashcata ricunguimi” nircani?— nirca.

SAN JUAN 2:11

Galilea llacta Caná pueblopimi Jesusca milagrota ruhuai callarirca. Chaipimi paica poderyuc cashcata ricuchirca. Chashna ruhuacpimi, paipac yachacuccunaca Diosmanta shamushca cashcata crircacuna.

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

HECHOS 2:32

Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

ROMANOS 6:19

Cancuna mana entendinalla cacpimi, entendinallata rimani. Ima shinami utcaman cancunapac cuerpota imapish millana mana allita ruhuachun saquircanguichic, chai shinallatac cunanca cuerpotaca Diospaclla tucushpa, servichun saquichic.

ROMANOS 6:3

¿Manachu bautizarishpaca, Jesucristohuan shuc shinalla tucushpa, paihuan huañungapac bautizarishcata yachanguichic?

ROMANOS 6:8

Cristohuan huañushpaca, paillahuantac causana cashcatapish,

ROMANOS 6:9

Cristo huañushcacunapuramanta causarishpaca, ña mana huañuna cashcatapishmi crinchic. Huañuica paitaca ña imata mana ruhuai pudingachu.

ROMANOS 7:6

Cunanca huatashpa charicuc mandashcacunamanta cacharirishpami, chai mandashcacunapacca huañushca shina canchic. Shinami Diospac Espíritu mushuc yuyaita cucpi, Diosta servishpa causacunchic. Ñaupa quillcashca mandashcacuna causanamanta cacharichishcami canchic.

ROMANOS 8:11

Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

1 CORINTIOS 6:14

Apunchic Jesusta causachic Diosllatacmi paipac poderhuan ñucanchictapish causachinga.

2 CORINTIOS 13:4

Ari, paica imatapish mana ruhuaipac shinami, cruzpi chacatashca carca. Shina cashpapish poderta charic Diosmantami causacun. Chai shinallatacmi ñucanchicca Cristo shina, imatapish mana ruhuaipac shina canchic. Shina cashpapish paihuan shuc shinalla tucushpami, Diospac poderhuan cancunapac allipac causashun.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

COLOSENSES 4:1

Amocuna, cancunapish shuc Amota jahua pachapi charishcamanta, cancunapac serviccunamanca cashcata, allita ruhuanguichic.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

1 JUAN 2:6

Maijanpish Dios-huan shucllami cani nishpaca, Jesucristo causashca shinallatacmi causana can.