ROMANOS 6:3 - Dios Rimashcata Quillcashcami

³ ¿Manachu bautizarishpaca, Jesucristohuan shuc shinalla tucushpa, paihuan huañungapac bautizarishcata yachanguichic?

Nuevo Testamento en Quichua Cañar 1996

³ Ñucanchic bautizarishpaca, tucuimi Jesucristohuan shuc shinalla tucushpa, paihuan huañungapac bautizarircanchic. ¿Chaitaca manachu yachanguichic?

ROMANOS 6:3 ပူးပေါင်းရင်းမြစ်များ

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

HECHOS 19:5

Chashna nishcata uyashpaca, Apunchic Jesuspac shutipimi bautizarircacuna.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 8:16

Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

ROMANOS 6:8

Cristohuan huañushpaca, paillahuantac causana cashcatapish,

ROMANOS 7:1

Cuyashca criccuna, Moisés mandashcacunaca shuc runa causacucllapimi, mandan. Chaitaca allimi yachanguichic.

1 CORINTIOS 10:2

Chashna puyuhuanpish, cucha yacuhuanpish bautizaric shina tucushpami, Moises-huan shuc shinalla tucurcacuna.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

1 CORINTIOS 15:29

Huañushcacuna mana causarina cacpica, ¿imapactac huañushcacunapac shutipi bautizarincuna? ¿imamantatac huañushcacunamanta bautizarincuna?

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

1 CORINTIOS 6:19

¿Manachu cancunapac cuerpoca Diospac Espíritu causana huasi cashcata yachanguichic? Chai Espiritutami Diosmanta chasquircanguichic. Chai espiritumi cancunapi causacun Cancunaca mana quiquinpacchu canguichic,

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

1 CORINTIOS 9:13

Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

1 CORINTIOS 9:24

Pucllana pambapica tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Chaimanta chai japinata japingapac, cancunapish callpacuc shina alli causaichic.

2 CORINTIOS 13:5

Cancuna alli cric cashcata yachangapacca, cancunallatac ima shina cashcata yuyarichic. Ima shina cashcataca alli yuyarichicyari. Jesucristo cancunapac shungupi cashcataca, ¿manachu yachanguichic? Cristo cancunapac shungupi cashcata mana yachashpaca, mana crishpa pandariccunami canguichic.

GÁLATAS 3:27

Bautizarishpaca, Cristohuan shuc shinalla tucushpami shuctac churanata churarishca shina Cristohuanca shuctaclaya tucushcanguichic.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.