ROMANOS 5:8 - Dios Rimashcata Quillcashcami

⁸ Ashtahuanpish Diosca ñucanchic juchayuc cacpipish, Cristota ñucanchicmanta huañuchun cachashpami, cuyac cashcata ricuchin.

Nuevo Testamento en Quichua Cañar 1996

⁸ Ashtahuanpish ñucanchic juchayuccuna cacpica, Cristo ñucanchicmanta huañucpimi, Taita Diosca ñucanchicta c'uyac cashcata ricuchin.

ROMANOS 5:8 ပူးပေါင်းရင်းမြစ်များ

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

SAN JUAN 15:13

Maijanpish quiquin amigomanta huañucmi, yallita cuyashcataca ricuchin.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

ROMANOS 3:5

Ñucanchic mana allita ruhuashcacunallatac Dios cashcata ruhuac cashcata ricuchicpica, ¿imatatac nishun? Ñucanchicta llaquichicpica, ¿Diosca millaimantami llaquichin nishunchu? Caitaca gentecuna yuyashca shinami rimagrini.

ROMANOS 4:25

Apunchic Jesusca ñucanchic juchacunamantami huañurca. Diosca ñucanchictapish chasquingapacmi Jesustaca huañushcacunapuramanta causachirca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

ROMANOS 5:6

Ñucanchic maita mana quishpiripac cacpimi, Dios acllashca punzha Cristoca juchayuccunamanta huañurca.

ROMANOS 5:7

Pipish cashcata ruhuac runamantaca mana huañungachu. Maijan allita ruhuac runamanta huañusha nic tiyangapishchari.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

ROMANOS 8:39

Shinallatac jahua pachapish, ucu pachapish, tucui ima tiyaccunapish Apunchic Jesucristomanta ñucanchicta Dios cuyashcamantaca mana anchuchingachu. Chaitaca allimi yachani.

GÁLATAS 2:20

Ñucaca Cristohuanmi chacatashca shina cani. Ña mana ñucallachu causacuni, ashtahuanpish Cristomi ñucapica causacun. Cunan aichapi causacushpapish Diospac Churita crishpami causani. Paica ñucata cuyashpami, ñucamanta huañurca.

EFESIOS 2:7

Cristo Jesusmanta ñucanchicta mai llaquishpa, yallita cuyashcata shamuc punzhacunapi ricuchingapacmi, chashnaca ruhuashca.

EFESIOS 5:2

Jesucristo ñucanchicta cuyac shinallatac, cancunapish cuyanacushpa causaichic. Paica Diosman cushpa rupachishca mishquiman ashnacuc shina cangapacmi pai quiquinllatac japi tucushpa, ñucanchicmanta huañurca.

1 TIMOTEO 1:16

Jesucristo llaquic cashcata ricuchunmi, yallita ñuca juchayuc cacpipish, Diosca ñucata llaquirca. Chashnami maijanpish Jesusta crishpa huiñai causaita japina cashcata ricuchingapac ñucataca acllarca.

HEBREOS 8:3

Tucui jatun mandac curacunami, Diosman ofrendata cungapac, animalcunata huañuchishpa Diosman cungapac acllashca can. Chaimantami Apunchic Jesucristopish Diosmanca imata cuna can.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 JUAN 3:16

Jesucristo ñucanchicta cuyashpa huañushcamantaca, ima shina cuyana cashcataca yachanchicmi. Shina cashcamantami ñucanchicpish, huauquicunamanta huañuna cacpipish huañuna canchic.