ROMANOS 5:20 - Dios Rimashcata Quillcashcami

²⁰ Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

Nuevo Testamento en Quichua Cañar 1996

²⁰ Mandashcacunata Dios cucpica, juchaca ashtahuanmi mirarirca. Chashna miraricpicarin, Taita Diosca ashtahuanmi c'uyaita ricuchirca.

ROMANOS 5:20 ပူးပေါင်းရင်းမြစ်များ

SALMOS 25:11

Mandac Dioslla, ñucaca jatun juchatami ruhuashcani. Cambac shuti alli nishca cachunca perdonaiyari.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

EZEQUIEL 16:52

Can, cambac ñañacunata atishpa, yallita juchallishcamantaca pingaiyari. Chashna yallita juchallishpami, cambac ñañacunapac juchacunataca imapish mana cashca shinata ruhuashcangui. Chaimanta pingaiyari, llaquita apaiyari. Cambac ñañacunapac juchacunaca cambac juchacunahuan ricucpica, mana ima ricurinchu.

NÚMEROS 21:9

Shina nicpimi, Moisesca broncemanta culebralayata ruhuashpa bandera huarcuna caspipi churarca. Maijanpish culebra canicpica, chai culebratami ricuc carca. Shina ricushpaca, mana huañucchu carca.

SAN MATEO 20:9

Pichca pacha chishita yaicuccunapish tucui punzha trabajomantami cullquita chasquirca.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

SAN LUCAS 7:47

Chaimantami cashna nini: Paipac achca juchacunata perdonashca cashcamantami, paica ashtahuan cuyan. Ashtahuanpish ashalla juchacunata perdonashcacunaca, ashallatami cuyan— nirca.

SAN JUAN 10:10

Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

SAN JUAN 15:22

Ñuca mana shamushca cacpi, paicunata mana rimashca cacpica, mana juchayucchu canman carca. Ashtahuanpish cunanca paicunapac juchamantaca mana quishpiri pudincunachu.

ROMANOS 4:15

Mandashcacunata mana pactachicpica, Diosca llaquichingami. Mandashcacuna mana tiyacpica, pipish mana juchanchishcachu canga.

ROMANOS 6:1

Shina cacpica, ¿imatatac nishun? Dios ashtahuan cuyac cashcata ricuchichunca, ¿ashtahuan juchata ruhuacushunllachu?

ROMANOS 6:14

Cancunaca mana Moisés mandashcacuna mandashcachu causacunguichic, ashtahuanpish Diospac cuyaimantami causacunguichic. Chaimanta cancunaca ña mana jucha mandashcachu causacunguichic.