ROMANOS 5:11 - Dios Rimashcata Quillcashcami

¹¹ Shinallatac Apunchic Jesucristomanta Dios-huan alli tucushcamantapishmi Diosmanta yallita cushicunchic.

Nuevo Testamento en Quichua Cañar 1996

¹¹ Chaillapish mana canchu, ashtahuanpish Apunchic Jesucristomanta Taita Dioshuan alli tucushcamantami Diosmanta cushicunchic.

ROMANOS 5:11 ပူးပေါင်းရင်းမြစ်များ

SALMOS 104:34

Mandac Diosta shungu ucupi yuyarishpaca cushicunimi. Ñucaca Mandac Dios-huanmi yallita cushicuni.

SALMOS 149:2

Israelcuna, cancunata ruhuac Dios-huan cushicuichicyari. Sión pueblopi causaccunapish cancunata jatun Mandac-huan cushicuichicyari.

SALMOS 32:11

Cashcata ruhuaccunalla, Mandac Diosmanta cushicuichicyari. Shungupi ima millai yuyaita mana chariccuna cushicushpa cantaichicyari.

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

SAN LUCAS 1:46

Chaimantami Mariaca: «Ñuca yuyaimi Diostaca ‘allimari cangui’ nicun.

SAN JUAN 1:12

Paita chasquishpa, paita criccunataca, Diospac huahuacuna tucuchunmi chasquin.

ROMANOS 11:15

Israelcunata Dios shitacpi, tucui cai pachapi causaccuna Diospacman cuchuyashca cacpi, ¡israelcuna Dios chasquicpicarin, huañushcacuna causarishca shinami canga!

ROMANOS 2:17

Canca: “Israelmi cani, Moisés mandashcacunatapish charinmi, Dios-huanpish allimi cani” nishpami jatun tucungui.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

ROMANOS 5:10

Dios ñucanchic-huan piñashca cashpapish, paipac Churi huañushcamantami ñucanchicta chasquirca. Ña chashquishca cashpacarin Cristo causacushcamantami quishpichishca cashun.

ROMANOS 5:3

Mana chaillachu, ashtahuanpish llaquita apashcamantapishmi cushicunchic. Chai llaquicuna mana piñarina yuyaita cuc cashcatami yachanchic.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

ROMANOS 9:10

Mana chaillachu, ashtahuanpish ñucanchic ñaupa taita Isaacpac huarmi Rebecapish ishcai huahuatami charirca.

1 CORINTIOS 10:16

Dios cushca vinota ubiashpa, Diosta pagui nishpaca, ¿manachu Cristopac yahuarhuan shuc shinalla tucunchic? Tandata micushpaca, ¿manachu Cristopac cuerpohuan shuc shinalla tucunchic?

2 CORINTIOS 8:19

Alli nishcallapish paica mana canchu, ashtahuanpish ñucanchic-huan pacta cullquita tandachishpa richun, tandanacushca criccuna acllashcami can. Cai shina tandashpa apashpaca Apunchic Jesús alli nishca cachun, shinallatac criccuna cuna munaita charishcata ricuchingapacmi ruhuacunchic.

GÁLATAS 4:9

Cunanca Diosta ricsiccunami canguichic, ashtahuancarin Diosmi cancunata ricsin. ¿Shina cashca jahuachu cutinllatac imapish mana valic, yanga ruhuanacunallata cazushpa, huatashca shina causashun ninguichic?

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

FILIPENSES 3:1

Cuyashca criccuna, ¡Apunchic Jesus-huan cashcamanta cushicuichic! Cancunaman mai alli cacpimi, ñucamanca chaillatatac, chaillatatac nishpa quillcanaca mana shaicuchin.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

COLOSENSES 2:6

Jesucristo cancunata Mandac cachun chasquishcamantaca, paillahuantacmi causana canguichic.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

1 SAMUEL 2:1

Ana Diosta mañashpaca: «Ñuca shunguca Mandac Diospimi cushicun. Mandac Diosmantami ñucaca imatapish ruhuaclla cani. Can quishpichishcamanta cushicushpami, ñuca shimipish ñucata piñaccunata rimangapac pascarirca.